Misteryo/Lohika

Takot Ba Kayo sa Numero 666

2005-10-26T08:44:00.000+08:00

Marami sa atin ang takot sa numero 666 dahil sa nakagisnan natin na ito ay ang umanoy tatak ng Anti-Christ o kampon ng kadiliman. Ngunit alam ba ninyo na ang pagkatakot sa bilang na 666 ay tinatawag na Hexakosioihexekontahexaphobia

Ano ba ang hiwaga sa likod ng 666? Ito nga ba ay ang tatak ng demonyo o mali lamang ang interpretasyon ng mga grupong relihiyon at iba pang sektor tungkol dito.

Dahil sa paniniwalang ito nga ay tatak ng demonyo na maghahasik ng kadiliman sa buong sanlibutan ay marami nang mga personalidad sa buong daigdig mula pa noong unang panahon hanggang ngayon ay inakusahang siya ang Anti-Christ na merong tatak na 666.

Ang mga sinaunang Kristiyano na naniniwalang magugunaw na ang mundo ay gumamit ng numerology sa wikang Aramaic, Greek at Hebrew at lumabas na si Roman Emperor Nero ang umanoy Anti-Christ.

Nang hindi mangyari ang kinatatakutang katapusan ng mundo sa mga panahong yun tulad ng pagkakaintindi sa Revelation o Pahayag, nangangamba ang tao na posibleng mangyari ang katapusan ng mundo sa malapit na hinaharap, at marami sa mga maimpluwensiyan lider ang inakusahang may tatak na 666.

Kabilang na nga sa umanoy may tatak na 666 ay sina Martin Luther, Henry VIII, Robespierre, Napoleon Bonaparte, George Washington, Adam Weishaupt, Lenin, Adolf Hitler, Stalin, Mao Tse Tung, Franklin Roosevelt, Winston Chruchill, Harry Truman, Prince Charles, King Juan Carlos ng Spain, Mikhail Gorbachev, Bill Clinton, Osama Bin Laden, ang mag-amang George Bush at lahat ng mga santo papa.

Ang mga ito ay pinaghinalaang may taglay na bilang na 666 alinsunod sa interpretasyon ng Bibliya sa sinulat na ebanghelyo ni Apostol Juan na kilala nga bilang Revelation o Pahayag.

Ngunit sa pananaliksik na ginawa ng dating British Intelligence agent Edward Alexander (Aleister) Crowley (1875-1947), lumalabas na ang numero 666 ay hindi naman pala masama, bagkus ito ay maituturing na sagradong bilang na ang kahulugan ay ang kapangyarihang taglay ng araw.

Si Crowley na mismong lumantad at nagsabing siya ay Beast 666 ay nagsabing ang naturang bilang ay sagrado dahil sa ito ang misteryosong numero ng Araw na nagbibigay ng buhay, at may kaugnayan din ang bilang na ito sa heart chakra o psychic center sa dibdib ng tao na kilala rin bilang “Christ Center”.

Kung bakit ganito ang interpretasyon ni Crowley, binanggit nito ang sagradong itinuturo ng Hebrew Kabbalah na nagsabing ang “sphere” ng Araw ay ang pang-anim na purong espiritu o pure essence ng Panginoong Diyos.

Para maipaliwanag ng husto ang ganitong paniniwala ay inilatag ito sa mga numero na siyang tradisyung ginagawa ng mga Kabalista sa panahon ng sinaunang Babylonia. Isang kuwadradong tinaguriang “magic square” na binubuo ng 36 na maliliit na kuwadrado (6 x 6). Ang mga numero ay mula 1 hanggang 36 na kapag inayos sa isang balansyadong pamamaraan kung saan ang bawat hanay at linya nito ay pare-parehong 111, na kapag pinagsama-sama ay ang kalalabasan ay 666.

Ipinaliwanag din ni Crowley ang kanyang sariling interpretasyon sa nakasaad sa Aklat ng Pahayag sa Bibliya, na ang nais ipahiwatig ni San Juan sa kanyang sinulat na katapusan ng mundo ay ang katapusan ng tinatawag na “old age” dahil sa pagpasok ng “new age” sa ika-20 siglo ng buhay ng tao sa mundong ito.

Halos tumugma naman ito sa lumabas na pagsusuring ginawa ng mga Bible Scholar na ang isinasaad sa Book of the Revelation o Aklat ng Pahayag ni San Juan o St. John of the Divine ay hindi tumutukoy sa katapusan ng mundo, kundi isinalarawan lang nito ang masasamang pangyayari sa buhay ng tao sa mga kamay ng mga Romano na nagwakas sa ikalawang Jewish Revolution noong A.D 72 na sumira noong sa Herusalem.

Kayo po baka meron kayong nais na ipaliwanag tungkol po sa Aklat ng Pahayag sa Bagong Tipan ng Bibliya, kailangan ko rin ang inyong pananaw tungkol dito. Mangyaring lumiham sa inyong lingkod Rey T. Sibayan, MBC building, Sotto. St. CCP Complex, Pasay City, mag-text sa 0920-6316528 o mag-email sa paranormalrey@gmail.com.#

Please Help Me In This Mission

2005-10-13T07:19:00.000+08:00

I am putting up a private research group consists of gifted individuals with kindred hearts to investigate any paranormal activity such as UFO sightings, Ghosts manifestations, and ET encounters, but I can't do this without your help.

You can share your blessings to us thru donations for this project, In return we will post here the latest information about sightings and encounters and maintain this site as long as we can to make it more worthy to our people. With your financial support, we will make ourselves available to any one who has problems with the unseen world and resolve issues in their lives.

I hope this appeal would touch your heart, because we will be doing this not for profit, instead we want to help people realize that we are not alone in this world. Please contact: 0916-7931451/0920-6316528. E-mail address: psiphenomena@gmail.com, reytsibayan@yahoo.com.

Mga UFO, Nagpakita sa Caliraya

2005-10-06T13:55:00.000+08:00

Minsan pang pinatunayan ng mga Ekstra-Terestriyal ang katotohanan na nandito na sila sa ating planeta at matagal nang nakikipag-ugnayan sa mga taga-lupa para gisingin ang tao.

Noong Martes (Setyembre 27), ako ay naimbita ni Paranormal Expert Jimmy Licauco sa isang biyahe patungong Caliraya, Laguna para personal na masaksihan ang pagpapakita ng mga UFO sa naturang lugar.

Dumating kami sa naturang lugar dakong alas-2 ng hapon at pansamantalang nagpahinga at saka kami tumulak patungong Japanese Garden, ang itinuturing na sagradong himlayan ng mga namatay na hapones dito sa bansa.

Mga pasado alas-tres ng hapon nang umakyat kami sa bundok hanggang sa marating namin ang tuktok nito kung saan kitang kita ang Caliraya Lake at magandang tanawin para malinaw na makita ang anumang lumilipad sa kalawakan.

Ilang minuto bago ang alas-kuwatro ay biglang nagbigay ng hudyat si pareng Nick de Guzman na malapit nang magpakita ang mga UFO sa kanluran kung saan naka-puwesto ang araw.

Ramdam na ramdam ang malakas na enerhiya sa paligid lalu na nang makipag-ugnayan sa mga Ekstra-Terestriyal si Inventor/Engineer Serafin Orijuela at lalu pang tumindi ang lakas ng enerhiya nang magsimula nang magpakita ang mga UFO sa paligid ng araw sa kanluran.

Hindi agad nakita ng karamihan ang mga UFO dahil na rin sa nasilaw sa sikat ng araw, ngunit sa katalagan ay unti-unti nang naaninag ang mga UFO na nakapaligid sa araw lalu na sa ibabang bahagi nito.

Si Nick, ang nagbigay ng kumpletong detalye sa bawat kilos ng mga UFO tulad ng paggalaw ng mga ito, pag-ikot at pagpapalit ng puwesto….at hindi lamang anim kundi siyam ang umanoy nagpakita.

Ginagawa ito ni Nick habang katabi si Serafin na noon ay abala sa pakikipag-ugnayan sa mga bumabang ET, na minabuting di muna magpakita sa tao, ngunit naramdaman ng karamihan ang kanilang presensya.

Gumamit ng mga camera sa kanilang cellphone ang mga sumaksi sa naturang kaganapan baka sakaling makunan ang kanilang pagpapakita sa tao.

Naging matagumpay naman ang dalawa sa mga merong dalang phone camera – isa dito ay sunud-sunod ang mga kuha ng pagpapakita ng mga UFO, samantalang ang isa naman ay nakakuha ng nakalutang na bagay malapit sa aming lugar na lubos namang ikinagulat ng lahat.

Sa mga larawan, makikita ninyo kung paano lumipad palayo sa araw ang ilan sa mga nagpakitang UFO, ngunit ang kaganapan na yun ay kailangan pang maimbestigahan ng mga eksperto sa pangunguna ni Elmor Escosia ng UFO investigation team ng Pag-Asa.

Nang tanungin ko si Licauco kung kumbinsido siya sa naturang kaganapan, inihayag nito “na hindi lahat ay makakakita sa UFO dahil sa ang mga ito ay masasabing para-physical – isang bahagi nito ay pisikal samantalang ang kabilang bahagi ay espiritwal.”

Ayon naman kay Orijuela, ramdam na ramdam nya ang presensiya ng mga ET habang siya ay nakikipag-usap dito at nagpasalamat sa naturang pagkakataon na masaksihan ang kanilang paglipad sa himpapawid.

Sa panig ni Pareng Nick (de Guzman), tinupad lamang ng mga ET ang kanilang pangako noong July 27, 2005 na magpakita sa tao, nang makaugnayan nya ang mga ito sa pamamagitan din ni Orijuela.

Ako bilang isa ring channel o medium ay tumanggap naman isang “telepathic message” mula sa mga ET.

Nais ipaabot ng mga ET ang kanilang masidhing mensahe sa tao na kailangang magmahalan ang bawat isa hindi lamang dito sa ating bansa kundi sa buong mundo, at iwaksi na ang anumang away o tampuhan sa bawat isa.

Kailangan din anila na gamutin ang ating mga sarili maging ang ating bansa na ngayon ay dumadanas ng matinding kahirapan dahil sa sugat na tinamo nito sa kaliwat-kanang bangayan ng mga lider at pulitiko. Sana naman kahit paano ay nakarating sa mga kinauukulan ang mga mensahe mula sa mga Ekstra-Terestriyal.

Para sa inyong mga suhestyun, problema sa buhay, maaari kayong makipag-ugnayan sa inyong lingkod bilang psychic counselor/paranormal researcher sa 0916-7931451 o mag-email sa paranormalrey@gmail.com.#

Psychic Reading, Hindi Isang Panghuhula?

2005-09-21T00:53:00.000+08:00

Marami ang nagsasabi na ang kapalaran ng tao ay nakaguhit na sa kanilang palad o kaya ay nakaukit na sa kanilang kaluluwa habang binabagtas ang kanilang buhay sa mundong ibabaw.

Ito ang dahilan kung bakit marami ang naniniwala na sa pamamagitan ng paglapit sa mga psychic reader na kilala rin sa tawag na mga manghuhula, bagaman hindi naman talaga panghuhula ang ginagawa kundi ay pagbabasa sa kapalaran ng tao, ay malalaman nila kung ano ang dapat na landas na kanilang tatahakin.

Ngunit, nais kong bigyan dito na ang tunay na pagbabasa sa kapalaran ng tao ay hindi naman talaga dapat na ituring na panghuhula, dahil sa hindi naman tayo dito nagbabakasakali kung ano ba ang buhay na tinatahak ng isang tao, lalu na at kaya naman baguhin ang isang tao ang buhay nito.

Kung kaya’t mas mainam na gamitin na lamang natin ang katagang “pagbabasa” at hindi panghuhula sa buhay ng isang indibidwal.

Maraming pamamaraan ang psychic reading o pagbabasa sa kapalaran ng bawat isang tao batay sa destinasyon na tinatahak nito sa buhay na ito bilang isang kaluluwa na nilalang ng panginoong Diyos.

Pangunahin sa mga kilalang pamamaraan ng pagbabasa o pagsilip sa kapalaran ng bawat nilalang ay ang astrolohiya, ang pamamaraang ibinabase sa pagkakaayos ng mga planeta at bituin sa kalawakan ang buhay ng isang tao batay na rin sa araw ng kapanganakan nito.

Ang iba pang pamamaraan ay nakasandal na sa pagbabasa ng ibat-ibang bagay tulad ng tarot cards, angel cards, love oracle at marami pang ibang card na nagsulputan na rin sa panahong ito, habang ang iba naman ay di pa rin nawawala ang tradisyunal na pamamaraan tulad ng pagbabasa sa bolang kristal.

Ngunit, maniwala ba kayo na ang ganitong mga pamamaraan ng pagsilip sa kinabukasan ay nagsimula pa sa mga sinaunang sibilisasyon sa mundong ito lalu na sa panahon ng mga Egyptian, Aztec, Maya at iba pang mga sinaunang tao sa daigdig na ito.

Noon ay may kakayanan ang mga tao na basahin kung ano ang galaw ng mga ulap sa papawirin, habang ang iba naman ay nakatuon sa mga bagay sa lupa tulad ng bato, tubig at marami pang iba.

Nitong lamang nakalipas na tatlong araw na psychic festival sa Star City, nabigyan ako ng pagkakataon na magamit ko ang isang kakaibang pamamaraan ng pagbabasa o psychic reading, ito ay sa pamamagitan ng pangalan ng tao.

Naalala ko minsan nang unang sumagi sa isip ko ang pamamaraan na yan ay nagawa kong maisalarawan ang mga katangiang taglay ng paranormal expert na si Jimmy Licauco sa pamamagitan ng kanyang pangalan.

Bagaman hindi ko pa masyadong natuklasan kung ano ang iba pang lihim ng teknik na ito, ngunit malinaw na malinaw sa akin ang pamamaraan na ginagamit para malaman mo kung ano ang emosyonal, mentalidad at pisikap na aspekto ng buhay ng isang tao.

Sa lahat ng mga taong binasa ko sa aming psychic festival, ay masasabi kong mabisa ang pamamaraan na ibinigay sa akin sa pagbabasa ng pangalan ng isang tao.

At ito ay nakumpirma ng gamitan ko ng tarot cards at angel oracle na karaniwan nang ginagamit ngayon ng mga psychic reader sa kanilang pagsilip sa kapalaran ng bawat indibidwal.

Ang hiningi ko lamang sa mga taong binasa ko ay ang kanilang pangalan pati apelyido at hinayaan ko ring sila na ang magsulat para mas malakas ang enerhiya na masasagap ko at mabasa ko rin ang pamamaraan ng kanilang lagda o handwriting.

Ang aking pamamaraan ay malaki ang kaibhan sa sistema ng name reading sa pilosopiya ng Kaballah dahil sa hindi ito resulta ng kumbinasyon ng mga numero o tinatawag na numerology.

Maaaring hilaw pa ang sistemang aking natuklasan sa pagbabasa sa pangalan ng tao, ngunit masasabi kong hindi pa ako pumalya sa pagbasa kung ano ang personaldiad ng isang indibidwal na ginamitan ko ng sistemang iyon. Marahil sa hinaharap ay mapatatag ko pa ang kredibilidad ng pamamaraang ito.

Maraming salamat sa mga lumahok sa matagpat na psychic festival lalu na ang mga kapwa ko psychic reader na dumalo, maging ang mga taong nagtungo doon at ipinagkatiwala sa amin na silipin ang kanilang buhay sa nakalipas at sa hinaharap.

Nais ko lamang ulitin, ang psychic reading ay malaki ang kaibhan sa fortune telling o panghuhula. Ang fortune telling para sa akin ay bahagi lamang ng pangkalahatang mga sistema ng psychic reading.

Kayo baka interesado kayo na silipin natin ang inyong kinabukasan sa pamamaraan na aking alam tulad ng name reading, hand writing analysis at tarot card reading, mag-set lang ng appointment sa 0916-7931451 o mag-e-mail sa paranormalrey@gmail.com.#

Psychic Spy, Posible Ba?

2005-09-14T14:11:00.000+08:00

Aminin man sa hindi, patuloy na gumagamit ng mga psychic ang pamahalaan ng Estados Unidos para sa pang-e-espiya. Sa katunayan, ginagamit ng Federal Bureau of Investigation ang mga psychic para makita ang mga kritikal at sikretong lungga ng mga terorista.

Nabunyag na noon pa ang tinatawag na “Stargate Project” na pinondohan at sinimulan ng US government noong dekada 70 sa kainitan noon ng Cold War sa pagitan ng mga makapangyarihang bansa sa buong mundo.

Nabunyag noon ang ginawang pangangalap at paggamit ng bansang Rusya sa mga clairvoyant, telepathic at iba pang psychic para sa pang-eespiya, at counter-intelligence.

Dito itinatag ng US ang counter-intelligence program Stargate sa ilalim ng US Army Intelligence and Security Command at pinamunuan noon ni Hal Puthoff at nangalap siya ng mga psychic na tinaguriang “remote viewers.”

Bagaman naging matagumpay noon ang Stargate Project, nabalutan naman ito ng napakatinding iskandalo at intriga, bagaman naipagtanggol ito at umabot pa sa termino ni dating US President Bill Clinton.

Ngunit di rin ito nagtagal kung kayat ang pag-aaral na ginawa dito ay itinuloy sa Stanford Research International ng Stanford University sa Palo Alto, California, ngunit ang mga ginamit na remove viewers noon ay nagkawatak watak mula nang mapaalis sa sikretong Stargate Project.

Hanggang ngayon ay di pa rin maiwasan na maisip ng karamihan na gumagamit ang US ng mga psychic para lamang masilip kung ano ang ginagawa ng mga terorista sa ibang bansa.

Marami ang nagsabi nang bago pa man lusubin ng US ang bansang Iraq ay matagal nang nahuli si Saddam Hussein at gumawa na lamang ng senaryo ang Amerika para maging mas madrama ang pangyayari sa naturang bansa.

Sa mga panahong ito na mas marami nang tao ang nagigising ang kanilang abilidad sa pag-iisip bilang mga psychic, ay pumapasok na tayo sa katotohanan na ang ganitong abilidad ay normal naman talaga sa isang tao.

Ang problema lamang ay kung paano ito gagamitin sa tamang pamamaraan at kung paano ito lalung mapapalakas.

Kung noon ay ginagamit na ang mga psychic laban sa mga kalabang bansa, ngayon ay di malayong ginagamit pa rin ito hindi lang ng Estados Unidos kundi ng iba pang makapangyarihang bansa tulad ng United Kingdom, at China.

Sa aking palagay, kung magamit lang sa tama ang mga taong gising na ang kanilang mga abilidad sa pag-iisip ay marahil mas magiging maganda ang takbo ng buhay ng tao sa buong mundo.

Dito sa Pilipinas, maituturing na marami sa ating mga kababayan ang meron nang ganitong taglay na abilidad bagaman di pa masyadong pinapansin sa pag-aakalang ito ay isang uri ng kabaliwan.

Isa bang kabaliwan na magamit ang mga taong ito para sa pagpapaunlad ng ating bansa, para masugpo ang mga krimen sa ating kapaligiran, para maging maganda ang turingan ng bawat grupo sa bansa, magkaroon ng pagkakaisa.

Para sa akin ay hindi ito isang kabaliwan, bagkus ay isa itong pagkakataon na maituwid natin ang mga maling desisyon na lalung naglugmok sa atin sa kahirapan para sa mas magandang kinabukasan.

Para sa inyong mga katanungan at suhestyun, mangyaring mag-text sa 0916-7931451 o mag-email sa paranormalrey@gmail.com.#

Debate Tungkol sa ETs, Patuloy

2005-08-31T01:01:00.000+08:00

Hanggang ngayon ay di pa rin magkasundo ang mga siyentista sa kung may katotohanan nga ba o hindi ang mga Ekstra-Terestriyal (ET) o ang mga nilalang na taga ibang planeta.

Ito ay batay na rin sa testimonya ng mga taong personal na nakakita ng mga sasakyang pangkalawakan o spaceship na pawang behikulo ng mga ET. Ang mga sasakyang ito ay karaniwang tinatawag sa pangalang UFO o Unidentified Flying Objects.

May mga ulat din na mismong ang mga ET o alien ay personal na ring nakita ng tao ng maraming beses sa ibat-ibang panig ng mundo, habang ang iba ay talagang nakakausap sa pamamagitan ng isip ang mga nilalang na ito.

Ngunit, sa kabila ng ganitong mga naitalang mga pangyayari ay tila asiwa pa rin ang mga siyentista na tanggapin ang katotohanan tungkol sa manipestasyon ng mga UFO, at ET.

Bagaman una nang nakipagkita ng pormal kay George Adamski ang isang Venusian commander na nagpakilalang si Orthon, bagupaman naging maingay noon ang Roswell Crash, ay hindi pa rin kumbinsido ang maraming siyentista sa naging testimonya ni Adamski mismo. Ito ay dahil sa patuloy na pagdududa sa mga ETs kung sila ba ay totoo o kathang isip lamang.

Maging ang Amerikanong siyentista na si Adam Pollard ay hindi makapaniwala sa kanyang nakita sampung taon na ang lumipas nang masaksihan nito ang mga kakaibang liwanag sa kalawakan habang nasa dalampasigan siya ng isang look.

Maaari aniyang ito ay pawang mga UFO batay sa kanyang mga nakita at nabasa sa mga pahayagan at telebisyon, ngunit mahirap pa ring paniwalaan maliban lamang kung nagpakita ang mga ET ng personal sa kanya.

Inamin naman ni Lisa Pratt, isang geology professor, na hindi pa natin alam kung ano nga ba ang sitwasyon sa ibang planeta kung totoo bang merong mga ET at iba pang nilalang?

Bagaman wala pa naman nakikitang mga buhay na nilalang sa ibang planeta, ngunit may mga palatandaan na nakita ang mga siyenstista tulad ng tubig, carbon at enerhiya batay sa pananaliksik at paggalugad na patuloy na ginagawa ng mga ipinadalang sasakyang pangkalawakan at mga robot sa ibang planeta.

Natural ang pananaliksik na ginagawa ng mga eksperto ay batay sa lohikang pangangatwiran at pag-aaral ngunit sa kabila nito ay patuloy naman ang paliwanag na ginagawa ng mga ET contact – mga taong may kakayanang makausap ang mga ibang nilalang na totoong narito na sila sa ating planeta.

Sa palaging tanong kung bakit hindi sila karaniwang nakikita ng ating mga mata, dahil sa simpleng sagot na ang mga nilalang na ito ay hindi mga pisikal na nilikha ng Diyos, bagkus sila ay nasa ibang dimensiyon, at ang kanilang katawan ay maituturing na mga hangin lamang tulad ng mga espiritu.

Bagaman may mga siyentista na kumbinsidong totoo ang mga ET o alien base sa pahayag ng mga mga nakasaksi sa anumang pagpapakita ng mga ito, karamihan pa rin sa mga ito ay mas nanaisin na ibatay ang kanilang paniniwala sa nakikita ng ating mga mata at nahahawakan din natin.

Ayon naman kay astronomy professor Richard Durisen, kung sakali mang totoo na merong alien o ET hindi dapat na asahan na ang kanilang hitsura ay tulad ng mga nilalang na napanood natin sa mga pelikula.

May pagtaya si Durisen na posibleng ang mga alien na ito ay maliliit at maituturing na pawang mga mikrobyo lamang, at malaking malaki ang pagkakaiba sa iba pang nilalang sa buong kalawakan.

Kayo sa palagay po ninyo, totoo bang may mga ET o Alien? Kung totoo, ano sa palagay ninyo ang kanilang hitsura? Nakakatakot ba o hindi? Dapat ba silang katakutan o hindi?

Para sa inyong mga reaksiyon at suhestyon, mag-text lamang sa 0916-7931451 o mag-email sa paranormalrey@gmail.com. #

Mga Abusado at Pekeng Psychic, Naglipana?

2005-08-23T01:03:00.000+08:00

Sa mga panahong ito na nahaharap tayo sa krisis ay marami sa ating mga
kababayan ang naaakit sa mga taong may kakayanang basahin ang kapalaran ng bawat
isa, at kung magiging maganda ang kanilang kinabukasan.

Bagaman, maraming psychic o mga sensitibong tao ang totoo ang kanilang
sinasabi batay sa kanilang nakikita sa baraha man yan o iba pang gamit sa pagbabasa o
reading tulad ng tarot cards, angel cards, at bolang kristal, meron naman ibang grupo ng
mga psychic na karamihan ay peke, na ganito rin ang pamamaraang ginagawa para
lamang kumita ng pera.

Paano nga ba malalaman na ang isang tao ay totoong psychic o nagkukunwari
lamang, bagaman ang iba ay totoong may abilidad o kakayanan ang kaisipan ngunit
abusado naman sa kanilang mga kliyente.

Maging ang daigdig ng cyberspace o internet ay napasok na rin ng mga
abusadong psychic para lamang maging adik ang sinuman sa kanilang ginagawa at
dumepende na lamang sa kanilang sinasabi.

Ngunit sa hirap nga ng buhay sa ngayon ay may mga nagkukunwaring psychic at
hindi naman talaga totoong mga sensitibong tao na may kakayanang silipin ang kabilang
daigdig o dimensiyon na kilala sa tawag na Astral Reality.

Ayon kay Terry Strokes, isang psychic researcher, sa kanyang artikulo na
pinamagatang “Psychic Abuse and How to Avoid It” sa unexplained mysteries.com,
madaling malaman kung ang isang psychic reader ay totoo o peke.

Una, kailangan ang isang psychic ay di nagsasabi ng mga detalye para sa
ikasasama ng isang tao, na ang ibig sabihin ay sikapin na positibo ang paglalahad ng mga
detalye ng nakitang kapalaran.

Pangalawa, wag na wag kayong boluntaryong maglalahad ng mga detalye sa
inyong buhay, hayaan lamang ang isang psychic na yun ay sabihin sayo bagaman hindi
buong detalye ay alam mong nangyayari nga yun sa iyong buhay.

Pangatlo, ang mga pekeng psychic ay nagsisikap na magtungo sa inyong bahay
para tignan ang inyong mga kagamitan lalu na kapag ang mga ito ay mamahalin.

Pang-apat, sikapin na magtanung-tanong sa inyong mga kaibigan kung sila ba ay
meron nang napuntahang psychic na mabuti ang hangarin sa pagbabasa o psychic
reading.

Panglima, wag lamang dapat na nakadepende sa sasabihin ng isang psychic kung
ano ang inyong kapalaran sa hinaharap dahil wala pa yung katibayan kung may
katotohanan o wala, sikapin na tanungin sa kanya ang iyong nakaraan dahil sa aking
paniniwala may kakayanan ang totoong psychic na makita ang iyong nakalipas.

Pang-anim, wag na wag na sumandal lamang sa bawat detalye na sasabihin sa
inyo ng isang psychic reader kundi gawin lamang na inspirasyon o babala ang kanyang
mga nakita sa baraha o kristal, at wag na basta maniniwala sa sinasabing meron silang
kakayanan na ibalik ang inyong mga minahal sa pamamagitan ng tinatawag na love
spells o gayuma.

Pang-pito, wag kayong maniniwala sa isang taong nagkukunwaring psychic na
kaya nilang alisin ang malas sa inyong buhay kapalit naman ng pagbabayad mo ng
malaking halaga dahil ang isang totoong psychic ay maaaring maningil na angkop naman
sa tamang presyo ngayon ngunit ang iba ay donasyon na lamang ang kanilang hinihingi.

Bagaman, sa larangan ng psychic reading ng mga totoong sensitibong tao ay di
maiwasan na maningil, ito ay dahil na rin sa ginawa na rin nila itong prupesyon, at dito
sila kumukuha ng kanilang ikinabubuhay at para matustusan ang kanilang gastusin tulad
ng pamasahe at pagkain.

Karaniwan silang naniningil ng mula P150 hanggang P300 per session, yan ang
alam kong kasalukuyang rate ngayon sa lahat ng psychic sa buong Pilipinas, ngunit ang
higit pa rito ay maaaring may halo nang pang-aabuso.

Para sa inyong mga katanungan at suhestiyon, mag-text lamang po sa 0916-
7931451 o mag-e-mail sa paranormalrey@gmail.com. Pwede rin kayo lumiham sa akin sa address na: rey t. sibayan, c/o dzrh, mbc building, ccp complex, pasay city.

Gusto ba ninyong maka-ugnayan ang inyong Anghel?

2005-06-04T16:17:00.000+08:00

Kung totoong merong anghel, paano natin sila makakaugnayan. Ano ang mga paraan para makilala mo ang iyong anghel.

May mga pamamaraan ang mga anghel kung nais nilang makipag-ugnayan sa mga tao, naniniwala man tayo sa kanila o hindi.

Maaari silang magpakita sa inyong panaginip, dahil sa kapag tayo ay tulog doon lamang nagiging sensitibo ang ating isipan dahil ang buong katawang pisikal ay namamahinga. Sa panaginip din nagagawang makipag-ugnayan ang espiritu ng taong namayapa na.

Maaari ding makipag-ugnayan ang anghel sa pamamagitan ng kanilang tinig.

Maaari mong marinig ang anghel ngunit hindi mo nakikita. May mga tao na aktibo ang kanilang pandinig sa mga nilalang sa ibang dimensiyon tulad ng mga espiritu, kaluluwa kabilang na ang mga anghel.

Maaari din silang magpakita sa mga taong may kakayanan na makita ang mga espiritu o mga tinatawag na clairvoyant. Maaaring magpakita sila bilang liwanag na may hugis o purong na maningning na puting liwanag. May kaibigan ako na tingin niya sa mga anghel ay silwet o anino na transparent.

Ngunit, ang pinakamagandang paraan ay magpakita ang anghel na parang isang ordinaryong tao, na biglang sulpot para tumulong saka bilang nawawala sa paningin.

Isang kaibigan ko si Chris, ang nagsabi sa akin na iniligtas siya ng kanyang anghel nang siya ay mahulog sa pagkakapit sa pampasaherong dyip, parang tumigil ang buong kapaligiran para lamang makabangon siya sa pagkakabagsak kung hindi ay maaari siyang masagasaan ng kasunod na dyip.

Ngunit maaari ninyong maka-ugnayan ang inyong anghel sa pamamagitan ng inyong isip, maaaring ito ay sa meditasyon o di man kaya ay ang komunikasyon sa isip o tinatawag na telepathy. May limang paraan para maisakatuparan ang ugnayan sa ating anghel:

1. Imbitahan mo sila - kailangang imbitahan mo ang mga anghel sa iyong buhay lalu na ang inyong anghel de la guardiya. Para ding tao yan, hindi tutugon sa kahilingan mo kung hindi ka nagbubukas ng iyong pintuan para sa kanila. May mga panalangin na maaaring gamitin para sila ay imbitahan sa iyong buhay, ngunit kahit yung simpleng imbitasyon lamang na bukal sa kalooban ay sapat na. Merong tinatawag na
"cosmic protocol” ang tatlong beses na kahilingan mo para sila pumasok sa inyong buhay. Hindi sila makikipag-ugnayan sayo kung wala kang imbitasyon sa kanila. Nirerespeto nila palagi ang bawat desisyon ng tao dahil sa ating free will o malayang desisyon.

2. Panatilihing kalmado at nasa ayos ang inyong emosyon - kailangan ganito ang palaging kundisyon sa iyong paligid para matiyak mo na mabuti ang mga anghel na nasa paligid mo. Nangangahulugan na kung ano ang enerhiya sa katawan mo at sa paligid mo dun mas komportable ang mga espiritu lalu na ang mga anghel. Ang mga mabuting anghel ay hindi darating sayong piling kung ikaw mismo ay may problema sa iyong kalooban. Kung mas kalmado ka, mas malinaw ang komunikasyon mo sa kanila.

3. Paganahin ang inyong kutob o intuition - kailangang paganahin ang iyong sariling pakiramdam…kung meron tayong external senses o panlabas na pakiramdam, meron din tayong inner o panloob na siyang pakiramdam natin sa ating espiritwal o kilala rin bilang psychic ability.

4 Mahalin mo ang iyong anghel

5 Panatilihing maaliwalas ang inyong buhay at bahay, kapaligiran lalu na ang inyong awra dahil sa mahihirapan kang maka-ugnayan ang iyong anghel kapag magulo ang iyong buhay lalu na ang kapaligiran na ginagalawan mo. Harinawa sa inyong buhay ay inyong maranasan ang pakikipag-ugnayan sa inyong mga anghel, sila ay kaibigan natin na handang tumulong at gabayan tayo.

Anghel, Meron Ba Talaga o Wala?

2005-05-17T23:58:00.000+08:00

Totoo bang tayo ay may anghel? Ano ba ang hitsura ng anghel? Kung totoong may anghel, bakit hindi sila nakikita ng tao?

Ang mga tanong na yan tulad ng kung totoong may anghel, ang sagot kay totoo. Sila ang mga nilalang na naatasang magbantay, umalalay sa tao at maghayag ng mensahe mula sa Panginoong Diyos.

Sa ikalawang tanong kung ano ang hitsura nila? Batay sa mga dokumentadong karanasan ng mga taong nakakita ng anghel, ang mga nilalang na ito ay nakikita sa ibat-ibang kaanyuan. May mga anghel na nakikitang merong malalaking pakpak ng ibon at ang iba naman ay wala.

Kung bakit iilan lamang ang nakakakita sa mga anghel, ang sagot ko naman dyan ay dahil sa iilan din ang may kakayanan na sila ay makita. Karaniwan silang nakikita ng mga taong mnay abilidad na makita ang daigdig ng mga espiritu.

Ngunit may mga pagkakataon na ang mga anghel ay nagpapakita bilang isang tao, malay mo ang taong di mo kilala na nagbigay sayo ng tulong ay anghel.

Batay sa paniniwala ng mga relihiyon at tradisyon, meron siyam na koro (choir) ng mga anghel. Ang mga ito ay ang Serapim (Seraphim), Kerubin (Cherubim), Trono (Thrones), Dominyo (Dominions), Birtud (Virtues), Kapangyarihan (Powers), Prinsipalidad (Principalities), Arkanghel (Archangels) at ang regular na Anghel.

Ang Serapim ay ang pinakamataas na koro ng mga anghel. Sila ang palaging nagbabantay sa trono ng Panginoong Diyos at pumupuri sa kanyang kaluwalhatian.

Maaari silang magpakita na merong anim na pakpak – dalawa ay tumatakip sa kanilang mukha, dalawa nakatakip sa paa at dalawa ang ginagamit sa paglipad.

Ang Kerubin ay pangalawa sa may pinakamahalang tungkulin sa koro ng mga anghel. Maaari silang magpakita ng animoy tao na merong dalawang pakpak. Sila ay sumisimbolo ng kapangyarihan ng Panginoong Diyos.

Ang Trono ay mga anghel ng pagpapakumbaba, at kapayapaan. Sila ay nasa isang dimensiyon kung saan hinuhubog ang mangyayari pa lamang sa materyal na daigdig. Tagapamagitan sila ng mga anghel sa mababang antas para makaugnayan ang Diyos.

Ang Dominyon, ay mga anghel ng pagiging lider. Sila ang tagamasid sa mga tungkulin na dapat gampanan ng mga anghel para sa mga iniaatas na misyon ng Diyos.

Ang Birtud ay mga anghel na sumasaklaw sa mga espiritu ng Kalikasan at mga Elemento. Sila ang nagbibigay ng babala kapag ang isang nilalang ay nasa panganib. Nakaatang din sa kanila ang mga himala, pagkakaloob ng tapang, at grasya sa mga nilalang.

Ang Kapangyarihan, ay mga itinuturing na Mandirigmang Anghel na lumalaban sa mga kampon ng Kasamaan na pinamumuan ng mga Anghel ng Kadiliman na kilalang si Samael o Camael.

Ang Arkanghel, ay ang mga anghel na tinawag na Hepe ng mga Anghel. Marami sa kanilang hanay tulad nina San Miguel, San Gabriel, at San Rapael ang nabanggit sa Bibliya na humubog sa buhay at kasaysayan ng Panginoong Hesukristo.

Ang Prinsipalidad ay mga anghel na sumusubaybay sa malalaking grupo o organisasyon ng mga nilalang. Biglang dumarating ang mga anghel na ito sa mga malakihang pagpupulong. Maituturing din silang protektor ng mga relihiyon at pulitika. Maaari din silang konsultahin ng mga lider para sa anumang sensitibong mga desisyon.

Ang mga regular na Anghel, sila ang nagbabantay sa bawat tao. Kilala rin sila bilang “guardian angel” na naatasang magbantay, ,magbigay ng inspirasyon at proteksiyon sa tao mula pagkapanganak hanggang sa mamatay. May kakayanan din silang makipag-ugnayan sa lahat ng mga anghel sa lahat ng antas nito.

Para sa inyong mga katanungan at suhestyun, mag-text sa 0916-7931451 o mag-email sa paranormalrey@gmail.com.#

Telekinesis: Kapangyarihan ng Isip, Pinag-aralan

2005-05-06T02:56:00.000+08:00

Kaya ba talaga ng isip ng tao na pagalawin ang isang bagay nang hindi nito kailangang hawakan o bigyan ng pwersa?

Kaya ba ng ating isip na baluktutin ang kutsara o alinmang metal na bagay? Marami ang nagsasabi at naniniwala na kaya itong gawin ng isip ng tao ngunit iilan lamang ang maaaring makagawa nito. Ngunit sa aking palagay maaari naman itong pag-aralan at kailangan lamang ito ng tamang pamamaraan at palaging nagpa-praktis.

Isang siyentista sa katauhan ni James Conrad ng Murdock, Florida ang gumugol ng 20 taon at sinaliksik na mabuti kung bakit may kakayanan ang isip ng tao na pagalawin ang isang bagay.

Ang kakayanang ito ng isip ng tao na kilala sa tawag na telekinesis o psychokinesis (PK) ay pinag-aralan na ring mabuti ng Amerikanong Parapsychologist na si J. B. Rhine ng Duke University sa North Carolina.

Sinimulan ni Rhine ang kanyang pag-aaral noong taong 1934, bagaman hindi siya ang kauna-unahang gumawa ng pananaliksik tungkol dito napatunayan niya na totoo ang ganitong kapangyarihan ng isip sa pamamagitan ng mga ginawa niyang mga eksperimento tungkol dito.

Lumabas sa kanyang pag-aaral na ang psychokinesis ay walang pisikal na kuneksiyon sa proseso ng utak ng tao, o kaya ay nakapaloob sa tinatawag na ‘mechanical laws” ng pisika (Physics), sa halip ito ay mula sa tinawag niyang hindi pisikal na pwersa o non physical force ng isip at hindi utak ng tao, na kayang magbigay ng impluwensiya sa alinmang bagay.

Kaiba naman ito sa konklusyon ni Conrad, at sinabing ito ay ang lakas ng enerhiya na nagmula sa utak ng tao na may malakas na impluwensiya o pwersa sa komposisyon ng anumang bagay – pahatak man ito na kung tawagin ay atraksiyon o patulak na tinatawag sa ingles na repulsion.

Sa mas simpleng paliwanag ni Conrad, ito ay ang mataas na antas ng sustansiyang Iron sa utak ng tao. Dahil sa 80 porsiyento ng kabuuang populasyon ng buong mundo ay kulang sa iron ang katawan, dito lalung magiging matibay ang basehan ng teorya ni Conrad kung bakit iilan lamang sa mga tao ang maaaring makagawa ng telekinesis o psychokinesis.

Paliwanag pa ni Conrad, bagaman pangunahing sangkap sa telekinetic power ang sustansiyang Iron, kailangan aniya ang isang tao ay may sapat na oras ng tulog, iwasang sobra sa Vitamin E at may kakayanan na matuon ang isip sa isang bagay na gusto nitong pagalawin.

Ang pinal aniyang dapat na matutuhan ay ang pagkakaroon ng mental triggering technique na tinawag niyang “zero point emotions”. Ito ang abilidad ng tao na maglabas ng napakataas na enerhiya o cerebral energy mula sa utak.

Sa panig naman ni Rhine, ang telekinesis ay maaaring mangyari sa pamamagitan ng ESP at ito ay nasa tamang pagkakataon na ang isip ng tao ay nasa tamang kundisyon. Bagaman magkasalungat ng punto sina Rhine at Conrad, mahalaga sa lahat ay totoo ang ganitong kakayanan ng isip at utak ng tao.

Para sa inyong mga katanungan at suhestyun, mag-text sa 0916-7931451 o mag-email sa paranormalrey@gmail.com.#

UFO, Totoo Ba?

2005-04-14T11:54:00.000+08:00

Palaisipan pa rin hanggang ngayon sa tao ang mga Unidentified Flying Object o kilala sa tawag na UFO.

Mula noon hanggang ngayon ay hindi pa rin magkakatugma ang pananaw tungkol dito ng mga eksperto. Totoo nga ba o kathang isip lamang ang UFO?Ano ang katotohanan sa likod nito? Totoo bang dinadalaw tayo o narito na sa ating planeta ang mga Ekstra-Terestriyal (ET)?

May mga taong nagsasabing na totoo ang UFO at ET dahil sa sila mismo ay personal nang nakakita sa mga ito. Sa katunayan marami nang mga dokumentadong pananaliksik ang nagsasabing totoo nga ang mga ito. Ngunit marami pa rin ang nagdududa tungkol dito sa pagsasabing ito’y kathang isip lamang.

Nagsimula ang kontrobersiya tungkol sa UFO noong 1947 nang kumalat noon ang balitang pagpapakita ng lumilipad na mga sasakyang hugis plato o kilala sa katagang flying saucer.

Tampok nga dito ang balitang bumagsak sa Roswell, Mexico ang isang UFO at nakita dito ang mga wala nang buhay na mga ET. Unang naging kontrobersiyal ang balita tungkol sa mga E-T nang magpakita ang mga ito noong Nobyembre 25, 1896 at muntik nang tangayin sina Colonel H.G. Shaw at Camille Spooner.

Isinalarawan noon ni Col. Shaw ang mga E-T na pawang matatangkad, may malalaking mata at nakita silang sumakay sa isang hugis-tabakong sasakyang pangkalawakan. May paniniwala noon na ang mga nagpakitang E-T ay pawang nagmula sa planetang-Mars.

Ang pagpapakitang yun ng mga E-T at UFO sa tao ay hindi pinansin ngunit ito ay nasundan pa ng sumunod na mga taon.

Kabilang na rito ang malapitang pagpapakita ng mga E-T noong 1901 sa Bournebrook, England; sa Baltimore,Maryland noong taong1910; sa Kanlurang-Australia noong taong 1919; sa La Mancha, Spain noong taong 1925; sa Rochester, Pennsylvania noong taong 1944 at hanggang sa pagsapit ng Hunyo 24, 1947 nang personal na masaksihan ng Amerikanong piloto na si Kenneth Arnold ang paglipad ng mga flying saucers.

Ngunit siyam na buwan bago naging laganap ang balita tungkol sa mga flying saucers, Oktubre 6, 1946 personal na nakita ni George Adamski (1891-1965), dating miyembro ng US Army 13th Cavalry, ang hugis-tabakong sasakyang pangkalawakan na nakalutang sa tapat ng kanyang bahay sa Valley Center, California.

Noong Nobyembre 20, 1952, si Adamski kasama ang anim nitong malapit na kaibigan ay nagtungo sa Mojave Desert, California para magpiknik kasabay ng kanilang misyon na kumuha ng larawan ng mga sasakyang pang-kalawakan tulad ng flying saucer.

Nagtagumpay naman si Adasmki na makunan ng larawan habang pababa ang isang kulay pilak hugis-platong UFO. Lumabas ang isang hugis taong nilalang na may taas na limang talampakan at tatlong pulgada, at nagpakilala sa pangalang Orthon ng Venus.Bagaman marami ang hindi naniwala kay Adamski, ilang personalidad noon ang nag-imbita sa kanya para alamin kung ano ang kanyang nasaksihan at naka-ugnayan.

Kabilang na rito si Queen Juliana ng bansang The Netherlands na inimbitahan si Adamski sa kanyang palasyo sa Amsterdam, at lumabas din ang balita na maging si Pope John XXIII ay nakipagkita rin sa kanya para sa isang pribadong pagpupulong noong Mayo 31, 1963.

Ngunit ito ay itinanggi naman ng Vatican.Ang naging karanasan ni Adamski sa aking paniniwala ay isa lamang sa marami pang pagkakataon na nagpakita sa tao ang mga nilalang mula sa ibang planeta. Maging dito sa Pilipinas ay may mga tao na merong naging ugnayan sa mga taga-ibang planeta.

Bagaman tumanggi silang ihayag muna ang buong detalye ng kanilangnasaksihan ay nagbigay naman ng katiyakan ang mga ito na may takdang panahon para sila ay magpakita ng pormal at personal sa tao.

Para sa inyong mga katanungan, suhestyun at kung may naranasan kayong hiwaga sa inyong buhay , mag-text sa 09167931451 o mag-email sa paranormalrey@gmail.com.#

Babala laban sa paggamit ng Spirit of the Glass, Oujia Board

2005-04-08T20:46:00.000+08:00

Maalala ko minsan may nakausap akong kaibigan na nagtanong sa akin kung totoo bang espiritu ang nakakausap sa pamamagitan ng ‘spirit of the glass’?

Marami ang naniniwala na hindi mapanganib ang naturang pamamaraan ng pakikipag-ugnayan sa mga espiritu at maituturing itong parang isang laruan lamang.

Ito naman ang mahigpit kong tinututulan dahil sa hindi maaaring gawing biro o laro lamang ang mga pamamaraan ng pakikipag-ugnayan sa mga patay o sa katagang ingles ay ‘seance.’

Sadya itong mapanganib lalu na kapag walang ginawang seremonya o ritual ang sinumang kalahok dito bago nila isakatuparan ang pakikipag-ugnayan sa daigdig ng mga patay.

Lalu na kapag hindi mo binanggit ang partikular na pangalan ng espiritu at kung ano ang layunin ng inyong pakikipag-ugnayan sa isang espiritu. Ipinapayo nga ng mga eksperto na kailangang matiyak muna na protektado ang mga kalahok sa ganitong hakbang at kailangang naibabalik din sa kanyang pinanggalingan ang naturang espiritu.

Kung totoo nga bang kaluluwa o espiritu ang nakapagpapagalaw sa isang basong salamin sa pamamagitan ng spirit of the glass o sa ouija board, dito nagkakaroon ng debate ang mga taong hindi naniniwalang ito ay gawa ng mga taga-kabilang dimensiyon at ang mga taong nakaranas ng ganitong pamamaraan.

Nanindigan si William Carpenter noong 1882, na hindi mga espiritu bagkus ay natural na reaksiyon ng ating katawan ang kusang paggalaw ng basong salamin o ‘planchet’ ng ouija board kapag nagtanong ang mga taong kalahok sa ganitong ritwal.

Si Carpenter ang nagtulak sa teoryang “automatism” na kilala sa tawag na “ideomotor effect” kung saan ang kusang paggalaw ng baso at planchet maging ang paggamit ng pendulum at dowsing rod ay sanhi ng paggalaw ng kalamnan ng ating katawan sanhi ng dikta ng isipan at emosyon ng tao.

Maaring hindi ito namamalayan ng isang tao ngunit, posibleng dikta rin ito ng ibang tao na kalahok sa naturang sesyon na nakakaimpluwensiya sa isipan at nakakaapekto sa tinatawag na ‘motor behavior’.

Ngunit, sa larangan ng paranormal, naniniwala ang mga ito na ang paggamit ng basong salamin o ouija board para makipag-ugnayan sa mga patay ay mapanganib na gawain kapag hindi mo alam ang iyong gagawin at hindi ito maaaring paglaruan.

Bagaman, inamin ni Dale Kaczmarek ng Ghost Research Society, na ang ouija board o anupamang gamit ay hindi naman talaga mapanganib, ngunit ang pamamaraan ng pakikipag-ugnayan sa mga nilalang sa kabilang buhay ay dapat na pag-ingatang mabuti.

Karaniwan, ayon pa kay Kaczmarek, ang mga espiritung nakakaugnayan kapag hindi tama ang pamamaraan ay nagmumula sa lower astral plane o mababang antas ng kabilang dimensiyon na karaniwang pinamumugaran ng mga negatibong espiritu.

Sang-ayon ako na hindi dapat na gawing biro o laro lamang ang séance o pakikipag-ugnayan sa mga patay o sinumang espiritu sa kabilang buhay kung hindi ninyo alam ang mga pamamaraan na dapat gawin.

Ang pinakamainam sa lahat ay hayaan nating manahimik ang mga namayapa na at kung sila man ay magparamdam o magpakita sa atin, kausapin natin maaaring meron silang mahalagang mensahe na dapat sabihin.

Kontrobersiya sa ‘Da Vinci Code’, Pinalala ng batikos ng Simbahan

2005-03-30T21:25:00.000+08:00

Just want to share my observation about the very controversial book ‘Da Vinci Code’ authored by Dan Brown.

Paranormal researchers assessed that the book has its own bunch of evidences that would support earlier theories about the secrets of Jesus Christ during His time on Earth.

Although it was fictionally presented by Brown, Vatican has reacted very strongly and tagged Brown as liar.

The church has also issued warnings for people not to read the book. I hope this article would help our readers make up their mind whether to read or not the book.

I would always suggest, we should have an open mind and heart about any development that affects our daily life as human beings.

Naging mas kontrobersiyal pa at mabili ngayon ang aklat na sinulat ni Dan Brown lalu na nang maglabas ng matinding pagtuligsa at pagtutol dito ang Simbahang Katoliko.

Unang sinabi ni Kardinal Tarcisio Bertome, dating deputy head ng Vatican Pontifical Council for the Doctrine of the Faith na pawang kasinungalingan ang nilalaman ng naturang aklat.

Hinimok din nito ang mamamayan sa buong mundo na wag basahin o bilhin ang naturang aklat dahil sa di-umanoy nais lamang nitong iligaw ang tunay na paniniwala at pananampalataya ng tao.

Ang kontrobersiya sa naturang aklat ay nang banggitin dito ni Brown na ang Panginoong Hesukristo ay nagkaroon ng ‘anak’ habang siya ay nabubuhay pa sa mundong ito.

Bakit matindi ang pagtutol dito ng simbahan? Masama ba kung totoong merong naging anak si Hesukristo? Ang tanong ko pa dito e, wala bang karapatan si Hesukristo na umibig din habang siya ay nandito pa sa lupa at magkaroon ng sariling pamilya?

Bagaman, ang aklat ay mariing tinutulan at binatikos ng todo ng Simbahan, makokontrol ba nila ang tao kung gusto nilang ito ay basahin? Totoo man o hindi ang mga detalye sa aklat ni Brown, dahil sa ito ay pinatulan ng Vatican at tahasang tinuligsa ng mga taong simbahan ay lalu lamang nagkaroon ng matinding interes ang mamamayan na ito ay basahin at isama sa hanay ng kanilang mga aklat na dapat na basahin habang nabubuhay sa mundong ito.

Sang-ayon ako sa pananaw ng kinikilalang paranormal expert sa Pilipinas na si Jimmy Licauco tungkol sa naturang kontrobersiya na huli na ang lahat para sa mga taga-Simbahang Katoliko na maglabas ng negatibong pahayag laban sa aklat na ‘Da Vinci Code.’

Lalu na at umabot na sa 25 milyung kopya nito ang nailathala sa ibat-ibang wika at naikalat sa buong mundo mula nang una itong nalimbag noong taong 2003.

Ang matindi pa nito, ayon pa kay Licauco, habang nanggigigil ang Simbahan sa pagtutol nito sa naturang aklat, ay lalung nagkakaroon ng mahigpit na kagustuhan ang tao na ito ay basahin at iukit sa isipan ang bawat katagang nakasaad dito.

Sang-ayon din ako sa pananaw ni Licauco na hindi na maaaring isipin pa ng mga taga-Simbahan na malakas pa rin ang kanilang impluwensiya sa mamamayan lalu na ngayon at may kalayaan na ang bawat isa sa kanilang pananampalataya.

Ang iba ay sumanib na sa ibang grupong relihiyon samantalang ang iba naman ay nanatiling Katoliko ngunit hindi na rin masyadong sang-ayon sa mga alituntunin ng Simbahan.

Hindi na rin maaaring ibalik ng Simbahan ang mga panahon na madali nilang kontrolin ang isipan ng tao sa pamamagitan ng pagkontrol din sa paglabas ng mga impormasyon. Dapat magising sa katotohanan ang buong simbahan na mas malaya na ngayon ang pamamahayag sa ibat-ibang pamamaraan lalu na at kahit na anumang paksa ay maaari nang makuha ang detalye sa internet.

Sa inyong mga tanong at suhestyon, mag-e-mail lamang sa psiphenomena@gmail.com o mag-text sa 0916-7931451. #

Biglang paglaho ng tao, misteryo pa rin

2005-03-13T23:44:00.000+08:00

May mga insidente na ang isang tao ay biglang naglalaho sa paningin ng kapwa.

Ito ba ay totoong nangyayari o bunga lamang ng imahinasyon. Ito ngayon ang patuloy na

sinasaliksik ng mga eksperto sa paranormal.

Ngunit, sabihin man natin na hindi ito totoong nangyayari ay mahirap namang

ipaliwanag ang karanasan ng ilang indibidwal na nakaranas nito at maging sila ay hindi

nila alam kung bakit nila ito naranasan.

Isang babae na si Melanie ng Ventura, California ay nagkaroon ng ganitong

karanasan. Kasalukuyan siyang nakaupo sa sofa sa kanilang sala at nakatitig lamang sa

kawalan sa dingding ng kanilang bahay nang biglang dumaan sa harap niya at ilang beses

siyang nilagpasan ng kanyang asawa na animoy hindi siya nakikita. Sa katunayan,

hinahanap siya ng kanyang asawa ng mga oras na iyon ngunit sa loob ng sampung

minuto ay hindi siya nakita.

Ayon kay Donna Higbee, imbestigador sa naturang phenomenon na tinagurian

niyang “Human Spontaneous Involuntary Invisibility”, may mga pagkakataon na

nararanasan ito ng tao. Ang mga taong biktima ng naturang misteryo ay normal na

nakagagalaw sa paligid nito ngunit hindi naman siya nakikita ng mga taong nasa tabi

nito. Inihayag nito na ang naturang karanasan ay kaiba sa mga pagkakataon sinasadya

kang wag pansinin ng tao mo, dahil dito hindi ka talaga nakikita kaya hindi ka pansin.

May mga pagkakataon pa, ayon kay Higbee, na ang isang tao ay maaaring

makaranas hindi lamang isa kundi maraming beses ng bigla itong nawawala sa paningin

ng kanyang mga kasambahay, kaibigan o mga taong nasa paligid niya.

Ang amerikanong si Daniel S. Felt, ay naging imbisibol sa paningin hindi lamang

ng kanyang mga kaibigan kundi sa mata ng mga pulis na nanita sa kanila nang

magpaputok sila ng rebentador sa kanilang lugar.

Lahat ng kanyang mga kaibigan ay sinita ng mga nag-respondeng pulis, ngunit

lubos na nagtataka si Felt kung bakit hindi man lang siya nilapitan at hiningan ng ID ng

mga otoridad. Nagtaka rin siya dahil hindi rin siya nakita ng kanyang mga kaibigan nang

mga oras na sinita sila ng mga pulis

Bagaman, wala pang malinaw na paliwanag dito ang mga siyentista, ang mga

nasa larangan naman ng paranormal ay nagsabi na ang ganitong misteryo ay maaaring

mangyari sa mga taong nasa mataas na antas ng espiritwal tulad ng mga nagyo-yoga at

mahilig mag-meditasyon. Ngunit may mga pagkakataon na mangyayari din ito sa mga

taong binibigyan ng proteksiyon ng kanilang mga anghel dela guardiya, o kundi man ay

kaya itong kontrolin ng isip ng tao.

Isang grupo na tinaguriang “Rosicrucians” ang nagsabing kaya nilang kontrolin at

sadyain na hindi makita o imbisibol sa mata ng kapwa, at ito ay sa pamamagitan ng

masidhing konsentrasyon ng isipan na ito ay gawin.

Gayunman, karaniwan itong nangyayari sa ating normal na pamumuhay nang

hindi natin sinasadya na ang akala naman natin ay nagkataon lamang kaya di natin

pinapansin. May mga pagkakataon na dumarating ako sa aming bahay nang hindi

namamalayan ng aking kasambahay. Magugulat na lamang sila na ako pala ay nakauwi

na at nakaupo sa isang sulok.

Kung meron kayong ganitong karanasan at tanong, mag-text lamang sa

09167931451 o mag-email sa psiphenomena@yahoo.com. #

Dracula at vampires, totoo ba?

2004-10-22T08:25:00.000+08:00

Dracula at vampires, totoo ba?
Rey T. Sibayan
October 22, 2004

Hanggang ngayon ay marami pa rin ang nagtatanong kung totoong may mga taong bampira o mga taong sumisipsip ng dugo ng tao para lamang mabuhay ng imortal tulad ni Count Dracula.

Ang bampira at Dracula ay naging bantog mula nang malimbag ang aklat ni Bram Stoker tungkol sa kanyang nobela na may pamagat na “Dracula” noong taong 1897. Hanggang ngayon ay tampok na sa mga pangunahing pagtitipon tuwing unang araw ng Nobyembre o mga Halloween party ang pagsusuot ng damit ni Dracula at bampira.

Sa katunayan, ang istorya ni Stoker tungkol kay Dracula ay base sa tunay na buhay ni Vlad Dracula (1431-1476).

Si Dracula ay prinsipe ng Transylvania, sa bulubundukin ng Carpathian ng bansang Romania. Ang pangalang Dracula ay halaw sa salitang Romano na ang kahulugan ay “devil” o dragon.

Sa totoo lang si Vlad Dracula ay hindi bampira, subalit nakilala ang prinsipe sa malupit nitong pamamalakad sa kanyang kaharian. Dito ibinase ni Stoker ang kanyang nobela at isinalarawan ang prinsipe sa taong animo’y sumisipsip sa dugo ng tao.

Matinding kalaban noon si Dracula dahil sa hindi nito tinatantanan ang mga ito, at sobrang lupit kung magparusa sa mga lumalabag sa kanyang kautusan. Ito ang dahilan kung bakit tinagurian din siyang ‘Tepes’ o ‘the Impaler’.

Nagwakas lamang ang kalupitan ni Dracula nang siya ay patayin ng isang assassin sa pagitan ng Disyembre 1476 hanggang Enero 1477.

Gayunman, sa pananaliksik ng mga eksperto ang kuwento tungkol sa mga bampira ay mas nauna pa kay Stoker at sinasabing nagsimula pa ito noong 1047 at tinukoy dito ang isang Russian Prince bilang “Vpir Lichy” o Wicked Vampire.

Isandaang taon ang lumipas, nakatala naman sa sinulat ni Walter Map na may pamagat na “De Nagis Curialium” ang mga totoong karanasan ng mga taong nakakita ng mga nilalang na merong pangil sa England.

Dahil dito, hindi maiwasang magtuluy-tuloy ang pangamba tungkol sa mga bampira at naging matindi ang takot ditto ng mga mamamayan ng Prussia at Hungary noong 1700.

Naging laganap ng mga panahon na yun ang mga misteryong sakit, o di man kaya ay mga pagpatay na ang estilo ay katulad ng pagkagat ng mga bampira.

Hanggang ngayon ay bantog pa rin sa makabagong lipunan ang kuwento tungkol sa bampira at palaging nagtatanong ang tao kung totoong meron nito.

Ayon sa mga eksperto sa paranormal, hindi totoo ang mga taong bampira na sumisipsip sa dugo ng tao. Subalit may mga kulto ng taong tinawag ang kanilang sarili na mga bampira.

Sila yung mga taong nagdadamit ng animo’y si count Dracula, takot sa liwanag ng araw at umiinom din ng dugo ng tao.

Ang konklusyon ng mga eksperto sa mga taong ito, hindi sila maituturing na kampon ng kadiliman, yun nga lang kakaiba sila sa pangkaraniwan dahil yun ang kanilang paniniwala.

Black Triangle UFOs, Nagpapakita

2004-09-06T08:18:00.000+08:00

Black Triangle UFOs, Nagpapakita
Rey T. Sibayan
September 6, 2004

Hanggang ngayon ay palaisipan pa rin sa mga siyentista ang mga nagpapakitang UFO o Unidentified Flying Object sa ibat-ibang panig ng mundo bagaman marami ang naniniwala na ito ay mula sa mga nilalang na merong mas modernong sibilisasyon.

Kamakailan lamang ay may namataan ding UFOs sa Las Pinas City kung saan nakunan pa ito ng video ng mga residente sa naturang lugar.

Karaniwan nang nakikita ang hugis-bilog na mga UFO ngunit sa ngayon ay may mga ulat sa Estados Unidos at Canada na naging aktibo na ang pagpapakita ng kulay itim na “flying triangles” o tinawag ding “Black Triangles”.

Ang Black Triangles ay nagsimulang magpakita sa tao noong dekada 90 at ito ay nagpapatuloy hanggang ngayon subalit nanatili pa rin itong misteryo kung ano nga ba ito. Kung ito ba ay gawa ng tao o posibleng gawa ng mga nilalang.

Ang National Institute for Discovery Science, isang pribadong sektor na nakabase sa Las Vegas, Nevada ay unang nagsabi na ang Black Triangles ay gawa ng US military subalit kamakailan lamang ay binaliktad ng NIDS ang resulta ng unang imbestigasyon nito.

Napatunayan ng NIDS na “batay sa pagpapakita at paglipad ng Black Triangles, hindi ito tumutugma sa operasyong ginagawa ng US military tulad ng covert operations o pang-e-espiya at kung saan talaga ito nagmula ay hindi pa rin malaman hanggang ngayon.”

Kung ihahambing sa pagpapalipad ng pamahalaang-Amerika ng pang-espiyang eroplano nito tulad ng F-117 Stealth at B-2, ang Black Triangles ay hindi patago kundi lantaran ito kung magpakita sa publiko.

Ayon kay NIDS Administrator Colm Kelleher, ito ay batay sa mga impormasyon na nakalap nila mula sa tatlong pangunahing US Database kabilang na ang NIDS, Mutual UFO Network (MUFON) at ang koleksiyon ng datus ni UFO database owner Larry Hatch.

“Hindi ko masasabing ito (Black Triangles) ay ang mga eroplanong pinalipad ng US air Force. Hindi talaga namin alam,” ani Kelleher.

“Gayunman, talagang hindi ito lumilipad na angkop sa pang-espiya o covert deployment ng F-117 at B-2 planes dahil sa ito ay lantad, maraming ilaw kung makita sa papawirin,” ayon pa kay Kelleher.

Mula noong dekada 90s hanggang ngayong 2004 ay napatunayan ng mga eksperto na pareho ang estilo ng mababang paglipad ng Black Triangles, nagpapakita sa mga lunsod at mataong lugar, may maliwanag at animo’y disco lights kumbinasyon ng ilaw na berde, asul at pula at gustung-gusto ng mga ito na mapansin sila ng tao saka biglang mawawala na parang bula.

Tinatayang meron nang halos 400 insidente ng pagpapakita ng Black Triangles sa ibat-ibang panig ng mundo lalu na sa US at Canada.

Ang Black Triangles ay karaniwang nagpapakita hanggang sa pinakamababang 500 talampakan, 200 talampakan ang lapad at 250 talampakan ang haba.

Sa imbestigasyon ng NIDS, wala pa rin silang konklusyon kung ito ba ay gawa ng tao o gawa ng ibang nilalang na merong mas modernong sibilisasyon. Kung ano ang layunin ay yun ang hindi pa rin masagot ng mga siyentista hanggang ngayon.

Para sa inyong mga karanasan, tanong at suhestyun tungkol sa mga misteryo, mag-text sa 0916-7931451 o mag-e-mail sa psiphenomena@yahoo.com.

UFO Crash sa Roswell, muling iimbestigahan

2004-08-24T08:28:00.000+08:00

UFO Crash sa Roswell, muling iimbestigahan
Rey T. Sibayan
August 24, 2004

Sampung taon matapos na isara ng pamahalaang-Amerika ang kontrobersiya tungkol sa bumagsak na hinihinalang sasakyang pangkalawakan ng mga Ekstra-Terestriyal o UFO crash sa Roswell, New Mexico, mismong ang gobernador nito ang nagnanais na muling buksan ang imbestigasyon.

Ayon kay Governor Bill Richardson, “wala pang sapat na paliwanag hanggang ngayon sa misteryong bumabalot sa UFO crash, gobyerno man o mga pribadong imbestigador na nagsiyasat sa naturang insidente.

Maraming lumabas na teorya habang maraming opisyal na paliwanag ang pamahalaan ng Estados Unidos.”

Bagaman, naglabas na ng pahayag ang US Air Force na hindi sasakyang pangkalawakan ng mga ET ang bumagsak sa Roswell, marami pa rin sa hanay ng mga imbestigador at mananaliksik sa larangan ng UFOlogy na ito ay totoong spacecraft ng
mga taga-ibang planeta, subalit itinago lamang ng US government.

Iginiit ni Governor Richardson, na mas mainam na ilabas ng pamahalaang-Estados Unidos ang katotohanan tungkol sa naturang insidente para mabigyan ng kalinawan ang lahat.

Si Richardson ay napag-alamang nanilbihan din sa gobyerno ng US bilang Energy secretary ni dating President Bill Clinton.

“Kayang tanggapin ng mga Amerikano ang katotohanan tungkol sa insidente, kahit na gaano ito kahiwaga o pangkaraniwan sa mata ng tao maisiwalat lamang ang pawang katotohanan sa pamamagitan ng tamang pagsisiyasat ay malalaman talaga kung ano ang nangyari sa July 4, 1947,” ani Richardson.

Ang ganitong posisyon ng gobernador ay nakasaad din sa aklat na sinulat mismo ng opisyal na may pamagat na “The Roswell Dig Diaries” na inilathala ng Pocket Books na sinuportahan ng TV Sci-Fi Channel.

Isang aide ni governor Richardson si Billy Sparks ang nagsabing nais ng opisyal na ipawalang-saysay ang mga ulat na lumabas tungkol sa Roswell o kaya ay ilabas ang tunay na katotohanan tungkol dito lalu na ang mga itinagong detalye ng naturang insidente.

Ang ganitong posisyon ni Richardson ay bilang reaksiyon sa lumabas na report noong taong 1994 na walang misteryo at hindi totoo ang UFO crash nang ilabas ng US Air Force ang “Roswell Report: Case Closed.”

Iginiit ng US government sa report na yun na ang mga nakuhang debris o mga pira-pirasong materyales ay bahagi ng bumagsak na hindi pangkaraniwang “military research balloon”, na merong hypersensitive acoustic sensors na dinesenyo para matukoy ang anumang Soviet A-bomb test noon.

Ang kahilingan ni governor Richardson na magkaroon ng imbestigasyon sa Roswell Crash ay inasahan naming umani ng pagbatikos mula sa mga hindi naniniwala sa Ekstra-Terestriyal.

Ayon kay Dave Thomas, Pangulo ng New Mexicans for Science and Reason, isang skeptics group sa Albuquerque, Mexico, dismayado sila sa naging pahayag at pananaw ni Richardson tungkol sa Roswell Crash.

Subalit, kinampihan naman si Richardson ni Greg Graves, executive director ng New Mexico Republican Party na naniniwalang mas higit pa sa “man-made weather balloon” ang bumagsak sa Roswell.

Ayon kay Graves, nais niyang malaman ang katotohanan sa naturang nangyari dalawang taon bago pa man siya ipanganak, lalu na at malaki ang naitulong nito sa kanyang mga kababayan sa Roswell.

“Libu-libong mga tao ang nagtutungo sa Roswell taun-taon para tignan ang aming museyo. Malaki ang naitulong nito sa aming ekonomiya lalu na ng itampok ang aming lugar sa “X-files” at mga palabas sa telebisyon,” ayon kay Graves.

Ang Roswell Crash ay itinuturing ng maraming imbestigador ng UFO na isa lamang sa mga insidente na pilit itago sa publiko ng US government.

Para sa inyong mga suhestyun at di-pangkaraniwang karanasan, mag-text sa 0916-7931451 o mag-e-mail sa etsarehere@yahoo.com. #

Biktima ba kayo ng bangungot?

2004-08-23T23:45:00.000+08:00

Nananatiling misteryo hanggang ngayon ang bangungot na halos karaniwang nararanasan sa panahon ng pagtulog. Lalu itong kinatatakutan ng karamihan dahil sa may mga kaso na namamatay ang mga biktima.

Marami ang mga haka-haka at paniniwala na ang bangungot ay nangyayari kapag natulog ang tao na kakakain pa lamang o kaya ay sobrang busog. Kaya nga ang sabi ng matatanda na “wag tayong matutulog kapag kakakain natin at sobrang busog baka bangungutin.”

May ibat-ibang teorya tungkol dito ang mga siyentista, mga duktor at mga mananaliksik sa larangan ng paranormal na nais alamin kung ano nga ba ang dahilan ng bangungot sa tao. Ibat-iba ang nararanasan ng tao sa kapag binabangungot. Kalimitannararanasan na may nakadagan sa katawan at hindi makakilos.

May mga bangungot na animo’y nakapatong at sinasakal ang biktima habang pinipilit na sumigaw ngunit walang lumalabas na boses mula sa bibig, bagaman may kasong akala ay napakalakas ng ating paghiyaw.

Ang mga kababaihan ay nakakaranas ng biglang may tumatabi sa higaan at pinipilit na ilugso ang puri o ginagahasa o di man kaya ay sinusuyo hanggang sa hindi matanggihan ang nais ng nilalang na sila ay makatalik.

Mula pa noong taong 1000 hanggang 1500 A.D. o Middle English Period ay may mga kaso ng bangungot at nanatili pa rin itong misteryo ngayon.

Kabilang sa mga teorya ay ang tinatawag na “Old Hag Syndrome” – isang uri ng bangungot na may nakadagan sa natutulog at nahihirapang makahinga na may pakiramdam na sinasakal.

Ang isa pang teorya mula sa hanay ng mga duktor at mga siyentista, ito ay “Sleep Paralysis” – ang panahon na paralisado ang buong katawan ng tao ngunit gising ang diwa nito na kung tawagin din ay Hypnogogic/Hypnopompic Paralysis. Ito ay iniuugnay sa hypnagogic hallucinations o ang tinatawag na dream-like mentation (ang paggamit sa bahagi ng ating utak). Iniuugnay din ito sa Narcolepsy – isang neurological condition kung saan ang isang tao ay merong hindi makontrol na pagtulog.

Ang isa pang teorya ay ang posibleng kagagawan ito ng mga nilalang sa ibang dimensiyon na karaniwang tinatawag na “Incubus” – ang mga lalaking nilalang na pinipilit makipagsiping sa mga natutulog na babae, at “Succubus” naman ang tawag sa mga babaeng nilalang na dumadalaw sa pagtulog ng mga kalalakihan. Ang incubus ay halaw sa salitang latin na “incubo” na nangangahulugan ng “burden o weight”.

Para sa akin ang misteryo ng bangungot ay maaaring magkaroon ng kasagutan depende sa abot ng kaisipan ng bawat isa sa atin.

Ngunit iisa lamang ang maaari kong konklusyon tungkol dito. May basehan ang lahat ng mga teorya subalit ang pinakamahalaga sa lahat, ang tao bilang isang nilalang ay dalawamput-apat na oras na gising ang diwa at may kakayahan itong makalabas ng katawan habang tulog na karaniwang akala natin ay panaginip.

Sa aking palagay para maiwasan ang bangungot, una, ugaliin nating manalangin at wag matulog ng busog.

Pangalawa, kailangang palagi tayong mag-isip ng positibo at wag isipin ang problema bago matulog.

At pangatlo, maging mahinahon kapag binangungot, harapin natin at wag matakot, manalangin, at pilitin na lumipat sa isang magandang lugar sa panaginip.

Para sa inyong mga karanasan mag-text sa 0916-7931451 o mag-e-mail sa paranormalforce@yahoo.com.

Mga siyentista, may 20 taon palugit para patunayan na may ET

2004-08-06T23:08:00.000+08:00

Nagtakda ng dalawampung taong palugit ang mga siyentista para alamin kung totoong merong ekstra-terestriyal o buhay sa labas ng planetang Earth.

Ang mga dalubhasa sa Search for Extraterrestrial Intelligence (SETI) ay gumugol na ng apat na dekada sa pagsusuri at pananaliksik sa radio waves na nasagap nila mula sa kalawakan para mapatunayan kung totoong merong ET o alien.

Sa loob ng susunod na dalawampung taon, ay inaasahan ng mga eksperto mula sa California na matatapos nila ang pagsusuri sa radio signals na nasagap mula sa 100 bilyung star sa loob ng Milky Way galaxy.

Ipinagtanggol ni Professor Chandra Wickramasinghe ng Cardiff University, nangungunang astronomer sa Wales, ang mga kritiko ng SETI dahil sa di-umano’y kabagalang magsaliksik sa “alien life.”

Ayon kay Seth Shostak, senior astronomer ng SETI Institute sa Mountain View, California, “ang anumang palatandaan ng ‘intelligent life’ kung meron ay malalaman nila sa loob ng susunod pang dalawampung taon o dalawang dekada.”

Malakas ang paniniwala ni Shostak, na maging ang mga alien sa loob ng Milky Way galaxy sa kanilang mga sarili ay gumagawa rin ng paraan na maka-ugnayan ang tao sa pamamagitan ng pagpapadala ng radio signals.

Ginagamit din ni Shostak ang isang “formula” na nabuo noong taong 1961 kabilang na rito ang bilang ng mga star na merong mga planeta, kung ilan sa mga ito ang inaasahang merong buhay at ang posibilidad na may mga nilalang na mas moderno kesa sa tao.

Batay sa report ng New Scientist magazine, inihayag ni Shostak na merong 10-libo hanggang isang milyung mga ET sa galaxy na gusto ring maka-ugnayan ang tao sa mas lohikal na paraan. Sinabi kong mas lohikal dahil ang ganitong pananaliksik ay sa pamamagitan ng mga makabagong instrumento ng ginagamit ng mga eksperto at hindi sa pamamagitan ng telepathy o channeling na ginagamit naman ng mga taong nakakaugnayan na ngayon ng mga ET.

Ayon pa kay Shostak, kailangan gumugol ng panahon ang mga eksperto sa pagsusuri sa mga radio signal mula sa may 100 bilyung star sa loob ng Milky Way galaxy.

At ang panahon na kailangang gugulin ditto ay batay sa kakayanan ng radio telescope tulad ng isang ektaryang Allen Telescope Array ng SETI at inaasahan ding paglakas pa sa power ng mga ginagamit na microchips sa pagsagap ng radio signal sa kalawakan.

Sinalungat naman ni Paul Shuch, executive director ng SETI League, isang hiwalay na organisasyon sa New Jersey ang mga naunang prediksiyon at paliwanag ni Shostak.

Ayon kay Shuch, “makatwiran ang anumang pagtaya sa pag-unlad ng teknolohiya ng tao, subalit ang anumang prediksiyon ng panahon na magkaron ng alien contact ay ibang usapin dahil sa hanggang ngayon ay wala pang katiyakan kung meron na ba tayong ugnayan sa mga ET.”

Para sa inyong mga suhestyun, mga kakaibang karanasan at paranormal, mangyaring mag-text sa 09167931451.

Invisibility, hindi na imposible sa tao

2004-07-20T16:22:00.000+08:00

Wala na ngang imposible sa mga panahong ito dahil habang umuusad ang panahon sa mas makabagong pamumuhay ng tao ay lalung lumalawak ang kaalaman ng mga siyentista kahit na ang naiisip nating hindi kayang gawin ng tao sa mas lohikal na pamamaraan ay maaari nang isakatuparan.

Una kong sinulat sa aking artikulo ang ginagawa nang hakbang ngayon ng mga siyentista na makagawa ng space elevator para sa mas komportable, mas mura at mas madaling makarating sa kalawakan nang hindi na kailangan
pang magsanay para sa mas mabilis na paglipad ng sasakyang pangkalawakan.

Isang balita ng BBC World Service Outlook ang bumulaga sa akin tungkol sa teknolohiyang maaaring maglaho ng parang bula ang isang tao sa isang iglap na nais nito sa pamamagitan ng kanyang kasuotan at hindi sa pamamagitan ng mahika o anumang kapangyarihan.

Alam naman ng karamihan na ang biglang paglaho ay espesyal na abilidad ng mga nilalang sa ibang dimensiyon tulad ng mga engkanto, multo, ekstra-terestriyal at iba pa ngunit sa ngayon ay maaari na itong gawin ng tao
anumang oras na nais nito.

Kung paano ito maaaring gawin ng tao, ito ay sa pamamagitan ng naimbentong "invisibility cloak" na maaaring magamit sa mga pagkakataon na kinakailangang hindi ka dapat makita ng ibang tao.

Ang nakaimbento nito ay isang hapones sa pangalang Professor Susumi Tachi at sinabing ang invisible material na kanyang ginamit ay gawa sa libu-libong maliliit na beads. Ipinakilala ni Professor Tachi ang kanyang imbensiyon
sa isang exhibition sa San Francisco noong buwan ng Hunyo at lahat ay namangha sa kanyang ginawa.

Ayon sa prupesor, ang kanyang naimbentong invisibility material ay tinagurian niyang "retro-reflectum"na gumagana sa tulong ng computer.

Ipinaliwanag ni Professor Tachi, na ang invisibility cloak ay gumagana sa pamamagitan ng computer na may kakayahang ilagay ang image ng paligid sa mismong kasuotan o tinatawag na image projection na animoy salamin at ang sinumang titingin ay hindi na ito mapapansin bagkus ay makikita na lamang kung ano ang na-generate na three-dimensional (3d) image.

Inamin naman ng Japanese scientist, na ang kanyang naimbento ay maaaring magamit sa pag-espiya sa kalaban at ang matindi pa nito ay pangambang baka mapunta ito sa mga sindikato ng mga magnanakaw at iba pa.

Ayon kay Tachi, una niyang naisip ang ideya noong taong 1977 ngunit hindi siya agad na nagtagumpay dahil sa ang image na kayang i-project noon ay "flat" at hindi kapani-paniwala.

Eksaktong 27 taon ang ginugol ni Professor Tachi para magtagumpay ang kanyang naisip na teknolohiya noon at ngayon ay maaari nang pakinabangan ng tao.

Ang mainam pa nito hindi lamang sa jacket o coat ang maaaring magawa mula sa retro-reflective material, dahil sa nais din ng siyensitang Hapones na makagawa nito para sa dingding o sahig ng eroplano para makatulong ng malaki sa mga piloto. #

Atlantis, Nasaan Ba?

2004-07-09T23:39:00.000+08:00

Hanggang ngayon ay palaisipan pa rin sa lahat kung nasaan ang Atlantis at ang

alam ng karamihan, ito ay lumubog sa tubig ilang libong taon na ang lumipas sanhi ng

pagbaha at naglaho na lamang ito sa ibabaw ng daigdig.

Marami nang mga teorya ang lumabas kung saan nga ba sa ibabaw ng mundong

ito nandun ang Atlantis bagaman may paniniwala noon na ito ay mga kuwento lamang at

wala saanman panig ng daigdig.

Ang tanyag na tinaguriang “sleeping prophet” na si Edgar Cayce nang siya ay

tanungin tungkol sa Atlantis ay sinabi nitong ito ay matatagpuan sa paligid ng Bermuda

at ito ay pinatunayan noong taong 1969 nang makakita ng geometric stone formations

ang mga siyentista malapit sa Bimini.

Ang iba pang mga lugar kung saan posibleng kinaroroonan noon ng Atlantis ay sa

Antarctica, Mexico, England at sa Cuba.

May teorya din na ang Atlantis ay ang mismong Spartel Island, ang putikang isla

sa Gibraltar na lumubog sa karagatan 11-libong taon na ang lumipas.

Sa pinakahuling teorya na lumabas tungkol sa Atlantis ay batay sa pananaliksik

ng siyentistang si Dr. Rainer Kuehne ng University of Wuppertal, Germany.

Si Dr. Kuehne ay naniniwalang ang isla ng Atlantis ay nasa bansang Espanya

batay sa nakuhang mga litrato ng satellite sa timugang bahagi ng naturang bansa.

Ang mga nakuhang litrato sa timugang Espanya ay halos kapareho sa mga

isinalarawan ni Greek scholar Plato tungkol sa Atlantis na lumubog sa biglaang pagbaha

sa pagitan ng taong 800 b.c. at 500 b.c.

Batay sa nakuhang satellite photos ni Dr. Kuehne, makikita sa salt marsh region

ng Southern Spain na kilala sa tawag na Marisma de Hinojos malapit sa lunsod ng Cadiz,

ang dalawang rektanggulong straktura sa putikan at ang mga nalalabi pang nakatayong

mga straktura sa palibot ng pinaniniwalaang nakatayong templo ng Atlantis.

Alinsunod sa sinulat noon ni Plato, ang isla ng Atlantis ay merong limang “stades”

(925 metro = stade) dayametro na pinaiikutan ng straktura o tinatawag na

“concentric rings”.

Sa nakitang satellite image, naniniwala si Dr. Kuehne na ang rektanggulong

straktura ay ang mga labi ng pilak na templo na ini-alay ng mga Atlantean sa kanilang

sea god na si “Poseidon” at ang gintong templo kapwa para kina Cleito at Poseidon

alinsunod sa sinulat ni Plato na Critias.

Ang paniniwalang sa timugang Espanya nga nandun ang Atlantis noon ay una

nang sinabi ni lecturer at Atlantis researcher Werner Wickboldt nang suriin nito ang mga

nakuhang litrato noon sa naturang lugar.

Bagaman, mas malaki ang sukat at laki ng isla na nakuha sa satellite image na

pinag-aralan ni Dr. Kuehne kesa sa pagsasalarawan ni Plato, dalawa ang maaaring

posibilidad nito, ayon sa eksperto.

Posibleng hindi tiyak ni Plato ang totoong sukat ng lumubog na isla ng Atlantis o

di man kaya ang sinaunang panukat na ginamit noon ni Plato sa measurement unit na

stades ay may malaki ng 20% kung ihahambing sa tradisyunal na panukat ng tao

ngayon.

Ayon kay Wickboldt, ito lamang ang lugar kung saan eksakto sa sinabi ni Plato at

maaaring nalito lamang ang Griyego sa gustong ipakahulugan ng Egyptian word tungkol

sa isla kung saan matatagpuan ang Atlantis.

Kinuwestyun naman ni Tony Wilkinson, isang eksperto sa remote sensing sa

archeology sa University of Edinburgh, United Kingdom, ang konklusyon na ginawa ni Dr.

Keuhne lalu na at sinumang makakita ng satellite image ay may kanya-kanyang

interpretasyon.

Subalit, nanindigan si Dr. Keuhne na tama ang kanyang paniniwala dahil sa

ang pagkakasabi ni Plato na ang Atlantis ay kapatagan, ito ay ang kapatagan na

umuugnay sa baybayin ng timugang Spain sa lunsod ng Seville at ang

bulubundukin na sinabi ni Plato, para kay Dr. Kuehne ay ang Sierra Morena at

Sierra Nevada.

Space Elevator, Maaaring Sakyan ng Tao patungong Kalawakan

2004-06-29T23:48:00.000+08:00

Hindi na talaga mapigil ngayon ang pag-unlad ng siyensiya ng tao tulad ng hangaring marating ang kalawakan nang mas ligtas at hindi magastos.

Ito ang dahilan kung bakit nilaanan ng $10-bilyun para gawin ang isang maambisyoso ngunit mas praktikal na sasakyan patungong kalawakan na hindi na kailangang gumastos ng malaki at lumipad ng mabilis makalabas lamang sa atmospera ng ating planeta.

Si Physicist Brad Edwards, dating nagtrabaho sa Los Alamos National Laboratory at director ngayon ng research department ng Institute for Scientific Research sa Fairmont, West Virginia, ay nabigyan ng pagkakataon na ipursige ang kanyang naunang naisip noong dekada 90 na maaaring makagawa ng “space elevator”.

Binigyan ng NASA Institute for Advanced Concepts si Edwards ng halagang kalahating milyung dolyar para ipursige ang kanyang konsepto at mapakinabangan ng buong mundo sa hinaharap.

Marami ang nagsabing imposibleng gawin ang space elevator sa loob ng kahit tatlongdaang taon ngunit ayon kay Edwards sa pamamagitan ng mga makabagong teknolohiya ng tao sa ngayon ay maaari na itong isakatuparan.

Tinukoy dito ni Edwards ang paggamit ng carbon nanotubes – ang nanoscale carbon structure na animnapu hanggang isandaang beses na mas matibay sa ordinaryong bakal ngunit napakagaan.

Ang proyekto ay tinaya ni Edwards na maaaring matapos sa loob ng labinlimang taon at posibleng mapakinabangan na ng tao pagsapit ng 2015.

Sa disenyo ni Edwards, isang rocket ay kailangang paliparin sa taas na 22-libong milya lulan ang isang “anchor satellite” na paliliparin naman sa taas na 62-libong milya kasabay naman ng pagladlad ng animo’y ribbon na gawa sa carbon-nanotubes habang ito ay pumapailanlang patungong kalawakan.

Ang kabilang dulo ay kailangang ikabit sa isang nakalutang na plaporma sa karagatan ng equator ng ating planeta, sa kanluran ng Galapagos island ng bansang Ecuador.

Kapag naging matatag na ang pagkakabit ng carbon-nanotube ribbon sa planeta at sa anchor satellite sa loob ng tinatawag na “geosynchronous orbit” sa kalawakan, ikakabit na dito ang electric elevators na paaandarin ng ground-based lasers para magdala ng anumang bagay nang hindi lalagpas sa bigat na limang tonelada.

Kapag nasa geosynchronous orbit ang 45-toneladang Anchor Satellite ay ipapadala naman nito pabalik sa Earth ang carbon-fiber-filament payload para ikabit sa base station.

Mahigit sa 200 “climbers” para dagdagan ang animo’y grado ng carbon-nanotube ribbon hanggang sa lumapad ito ng isang metro bilang kable kung saan ikakabit ang elevator.

Inaasahan naman ni Edwards na may mga kakaharapin silang problema tulad ng masamang kalagayan ng panahon, bagyo, meteorites, nakakasirang atomic oxygen at paglalagay ng laser system, maituturing naman aniya itong malaking hamon sa larangan ng physics at engineering.

Kapag nagtagumpay ang naturang proyekto ay mas mainam itong gamitin kesa sa karaniwang pagpapalipad ng mga space shuttle at space rockets para sa paglalagay at maintenance ng satellite sa orbit ng Earth.

Ang pinakamaambisyosong gamit pa nito ay ang mas madaling paglapag ng tao sa buwan at sa iba pang karatig planeta tulad ng Mars.#

Alien Abduction, Totoo ba ito?

2004-06-11T23:23:00.000+08:00

Marami nang mga dokumentadong kaso sa ibang bansa lalu na sa Estados Unidos ang nagsasabing totoo ang alien abduction o ang sapilitang pagkuha sa mga tao ng mga nilalang mula sa kalawakan o mga tinatawag na ekstra-terestriyal (ET).

Bagaman may mga pagtatalo o debate tungkol dito ang mga mananaliksik at mga imbestigador, ang mga biktima ng ganitong pangyayari ay tapat sa kanilang testimonya bagaman magkakaiba ang sinapit nang kunin ng mga ET, iisa naman ang kanilang paniniwala batay sa kanilang karanasan na totoo lahat ang kanilang nakita, naramdaman at naranasan.

Si Budd Hopkins, isang sikat na imbestigador ng alien abduction sa Amerika ay kumbinsidong totoo ang mga pagdukot o pagkuha ng mga ET batay sa nasiyasat na niyang maraming kaso ng ganitong kakaibang karanasan ng tao.

Ito ang dahilan kung bakit itinatag ni Hopkins ang Intuders Foundation, isang non-governmental group na naglalayong matulungan ang mga taong dinala ng mga kakaibang nilalang mula sa ibang planeta.

Sa ulat ni Ian Gillespie ng London Free Press, batay sa kanyang sariling pananaliksik ay kumbinsido siyang marami na ang dumanas ng alien abduction.

Sa katunayan aniya, marami nang mga grupo sa ibat-ibang panig ng mundo lalu na sa US at Britanya ang nag-aalok ng kani-kanilang serbisyo sa mga taong dumanas ng sapilitang pagdukot ng mga ekstra-terrestriyal.

Binanggit nito na kung papasok kayo sa Google Search ng Internet at itipa mo ang katagang “alien abduction” humigit-kumulang sa 85-libong mga testimonya, mga grupo at mga kasaysayan o ulat na nagpapatunay na karaniwan na itong nangyayari ngayon.

Kung sa buong akala natin ay pawang mga kathang-isip lamang ito bakit marami na ang naglalaan ng panahon para ito ay siyasating mabuti.

Batay sa ulat ng British Broadcasting Company, apat na milyung mga Amerikano ang nagsabing sila ay mga biktima ng alien abduction.

Dito sa Pilipinas, may mga nakausap na nagsabing sila ay nagkaroon ng pagkakataong bigla na lamang dinala sa kakaibang lugar habang sila ay tulog at nakita nila ang mga kakaibang nilalang na may malalaking mata. Dahil sa ganitong mga ulat, ang mga kaso ng alien abduction ay hindi maituturing na mga kuwentong kutsero.

Ano ba ang pangunahing layunin ng mga ET kung bakit nila ito ginagawa sa tao? Batay sa aking pananaliksik tungkol dito dalawang klase ang pangunahing layunin ng alien abduction – maaaring ito ay may masama o mabuting intensiyon. Ito ay depende rin sa karanasan ng bawat biktima.

Ang masamang intensiyon na natukoy dito ng mga eksperto, ay ang masusing pag-aaral na ginagawa ng mga ET sa pisikal na katawan ng tao na karaniwang ginagawa ng isang uri ng alien na tinatawag na “Grey” mula sa Zeti Reticuli Star System sa kalawakan. Ang Grey alien ay may taas na 3 hanggang 4 na talampakan, mala-bombilya ang ulo at maituturing na mapanganib na ET na may malalaking kulay itim na mata at kulay abo o gray ang balat.

Ang maituturing namang mabuting intensiyon ng alien abduction ay ang pagkuha sa tao hindi para pag-aralan ang katawan kundi ay para kausapin at bigyan ng magagandang mensahe na nagbibigay ng inspirasyon sa tao tulad ng pagmamahalaan, kapayapaan, pangangalaga sa kalikasan at ipinapaliwanag na mabuti ang kanilang mabuting intensiyon kung bakit sila narito sa ating planeta.

Ito ay karaniwang ginagawa ng ibang uri ng alien na matatangkad at pawang unat ang mga katawan, may malalaki o may katamtamang laki ng mata na may malalaking hugis-bombilyang ulo. Ang mga ito ay karaniwang nagpapakilang mula sa mga karatig-planeta at ibang star system.

Sa pamamaraan ng alien abduction ay maituturing din itong dalawang klase. Una, ang pagkuha sa buong pisikal na katawan ng tao na karaniwang nangyayari kapag tinamaan ng kakaibang liwanag ang biktima saanman ito naroon ngunit kalimitan ay sa ilang na lugar; at ang pangalawa ay ang pagkuha habang tulog ang isang tao, maaaring ito ay pisikal o espiritwal.

May mga palatandaan din na maaaring masabi na biktima ng abduction ang isang tao, masama man o mabuti ang intensiyon. Ito ay epekto ng proseso ng abduction at ang paglalagay ng implant o mga maliliit na bagay na nagsisilbing tatak o marka na ang isang tao ay nakuha na.

Kabilang sa mga palatandaan ng alien abduction na maaari pa ring siyasating mabuti ay ang palaging pagdurugo ng ilong o sanmang lugar sa katawan na di kayang ipaliwanag ng duktor; mga panaginip o bangungot na paralisado ang katawan at parang dinala ka sa kakaibang lugar; ang pakiramdam na palaging may sumusubaybay o nakatingin sayo; interes sa kalawakan o buhay sa ibang planeta; nakakita ng alien o UFO sa panaginip man o habang gising; palaging pananakit ng ulo na hindi kayang pahupain ng gamot; may matinding reaksiyon pag nakakita ng larawan ng alien; mga hindi maipaliwanag na pasa o peklat sa katawan; panaginip na lumilipad; at marami pang iba na maaaring gawing basehan na kayo ay kinuha o inimbitahan ng mga alien o ekstra-terestriyal.

Kung meron kayong ganitong mga karanasan mangyaring mag-text sa 09167931451 o mag-e-mail sa etsarehere@yahoo.com.

Bundok Ararat, aakyatin; Arko ni Noah, iimbestigahan

2004-04-30T20:35:00.000+08:00

Marami ang hindi pa rin tiyak kung saan nga ba napadpad ang arko ni Noah nang mangyari ang matinding pagbaha noong kanyang kapanahunan nang umulan ng apatnapung araw at apatnapung gabi sa buong mundo, batay sa mga nakasaad sa Bibliya.

Bagaman, nakasaad sa Bibliya na ang Arko ni Noah ay napadpad sa bundok ng Ararat sa Silangang Turkey ay may mga nagsasabing ito ay napadpad sa ibang lugar.

Kung ano ang nakasaad sa Bibliya, dito naman nakatutok ang isang grupo ng mga dalubhasa at malakas ang kanilang kutob na sa Bundok Ararat nga napadpad ang Noah’s Ark.

Sa pamamagitan ng nakolektang satellite images sa ituktok ng Ararat, nakita dito ang itinuturing nilang isang straktura na gawa ng tao.

Ito na ang pangalawang pagkakataon na muling kinunan ng larawan ang ituktok ng bundok-Ararat sa pamamagitan ng modernong teknolohiya – ang Digital Globe Quick Bird Satellite.

Unang nakunan ng larawan ng US Air Force ang naturang bundok noong 1949, at noon ay may nakitang hugis straktura na nabalutan ng yelo at snow.

Pinigil ng pamahalaang ng Amerika na isapubliko ang naturang mga larawan sa confidential file na Ararat Anomaly at noong 1997 lamang inilabas ngunit hindi naging kumbinsido dito ang mga eksperto.

Noong tag-araw ng taong 2003 kung saan maituturing na pinakamainit na summer sa buong Europa sa nakalipas na mga taon mula 1500, natunaw lahat ng yelo at niyebe sa Bundok-Ararat at dito malinaw na nakunan ng litrato ang bundok.

Ayon kay Daniel P. McGivern, Pangulo ng Shamrock – The Trinity Corporation, ang kumpanyang matagal nang naghahanap sa Noah’s Ark sa mga nakalipas na taon sa pamamagitan ng satellite, ngayon lamang nila nasuring mabuti ang mga nakuhang litrato sa pamamagitan ng Quick Bird satellite.

Ang Quick Bird ay maituturing na may pinakamataas na resolusyon bilang commercial imaging satellite sa buong mundo, kung kaya’t mas malinaw ang nakitang straktura sa ituktok ng bundok-Ararat.

Kasunod nito, agad na bumuo ng isang grupo ng mga siyentipiko, archaelogist at forensic experts si McGivern para akyatin ang bundok at imbestigahan ang nakitang straktura doon.

Tinaya ni McGivern na magsisimula ang operasyon sa bundok Ararat sa buwan ng Agosto ng taong ito.

Kumbinsido si McGivern na talagang man-made ang strakturang nakita sa Ararat at ang gagawin nilang imbestigasyon at pagsusuri sa mga makukuhang bahagi nito ay magpapatunay kung ito nga ba ang Arko ni Noah.

Hinirang ni McGivern si Turkish Dr. Ahmet Ali Arslan, na siyang manguna bilang field manager sa naturang imbestigasyon sa bundok-Ararat.

Hindi naman matatawaran ang naging karanasa ni Dr. Arslan, dahil sa limampung beses na itong naka-akyat sa Ararat sa loob ng apatnapung taon.

Biktima ba kayo ng bangungot?

2004-04-23T20:49:00.000+08:00

Nananatiling misteryo hanggang ngayon ang bangungot na halos karaniwang nararanasan sa panahon ng pagtulog. Lalu itong kinatatakutan ng karamihan dahil sa may mga kaso na namamatay ang mga biktima.

Marami ang mga haka-haka at paniniwala na ang bangungot ay nangyayari kapag natulog ang tao na kakakain pa lamang o kaya ay sobrang busog. Kaya nga ang sabi ng matatanda na “wag tayong matutulog kapag kakakain natin at sobrang busog baka bangungutin.”

May ibat-ibang teorya tungkol dito ang mga siyentista, mga duktor at mga mananaliksik sa larangan ng paranormal na nais alamin kung ano nga ba ang dahilan ng bangungot sa tao.

Ibat-iba ang nararanasan ng tao sa kapag binabangungot. Kalimitan nararanasan na may nakadagan sa katawan at hindi makakilos.

May mga bangungot na animo’y nakapatong at sinasakal ang biktima habang pinipilit na sumigaw ngunit walang lumalabas na boses mula sa bibig, bagaman may kasong akala ay napakalakas ng ating paghiyaw.

Ang mga kababaihan ay nakakaranas ng biglang may tumatabi sa higaan at pinipilit na ilugso ang puri o ginagahasa o di man kaya ay sinusuyo hanggang sa hindi matanggihan ang nais ng nilalang na sila ay makatalik.

Mula pa noong taong 1000 hanggang 1500 A.D. o Middle English Period ay may mga kaso ng bangungot at nanatili pa rin itong misteryo ngayon.

Kabilang sa mga teorya ay ang tinatawag na “Old Hag Syndrome” – isang uri ng bangungot na may nakadagan sa natutulog at nahihirapang makahinga na may pakiramdam na sinasakal.

Ang isa pang teorya mula sa hanay ng mga duktor at mga siyentista, ito ay “Sleep Paralysis” – ang panahon na paralisado ang buong katawan ng tao ngunit gising ang diwa nito na kung tawagin din ay Hypnogogic/Hypnopompic Paralysis.

Ito ay iniuugnay sa hypnagogic hallucinations o ang tinatawag na dream-like mentation (ang paggamit sa bahagi ng ating utak). Iniuugnay din ito sa Narcolepsy – isang neurological condition kung saan ang isang tao ay merong hindi makontrol na pagtulog.

Ang isa pang teorya ay ang posibleng kagagawan ito ng mga nilalang sa ibang dimensiyon na karaniwang tinatawag na “Incubus” – ang mga lalaking nilalang na pinipilit makipagsiping sa mga natutulog na babae, at “Succubus” naman ang tawag sa mga babaeng nilalang na dumadalaw sa pagtulog ng mga kalalakihan. Ang incubus ay halaw sa salitang latin na “incubo” na nangangahulugan ng “burden o weight”.

Para sa akin ang misteryo ng bangungot ay maaaring magkaroon ng kasagutan depende sa abot ng kaisipan ng bawat isa sa atin. Ngunit iisa lamang ang maaari kong konklusyon tungkol dito.

May basehan ang lahat ng mga teorya subalit ang pinakamahalaga sa lahat, ang tao bilang isang nilalang ay dalawamput-apat na oras na gising ang diwa at may kakayahan itong makalabas ng katawan habang tulog na karaniwang akala natin ay panaginip.

Sa aking palagay para maiwasan ang bangungot, una, ugaliin nating manalangin at wag matulog ng busog.

Pangalawa, kailangang palagi tayong mag-isip ng positibo at wag isipin ang problema bago matulog.

At pangatlo, maging mahinahon kapag binangungot, harapin natin at wag matakot, manalangin, at pilitin na lumipat sa isang magandang lugar sa panaginip.

Para sa inyong mga karanasan mag-text sa 0916-7931451 o mag-e-mail sa paranormalforce@yahoo.com.

Gadyet para sa Multo, Naimbento

2004-04-07T08:32:00.000+08:00

Habang umuusad ang makabagong panahon sa henerasyong ito, ay sumasabay din ang mga pamamaraan na naiisip ng mga eksperto para makatulong sa pagtuklas ng misteryo ng buhay…lalu na ang hangaring patunayan kung may kabilang-buhay sa oras na namatay na ang isang tao.

Isang kumpanya sa bansang Japan ang nakaimbento ng isang kakaibang instrumento na maaaring gamitin hindi sa mga buhay – kundi sa mga patay o sa mga gumagalang kaluluwa sa ating paligid.

Ito ay tinawag sa pangalang ‘Ghost Radar’ na biglang tumutunog at kukutitap ang kulay pulang ilaw nito kapag nakasagap ng mga kakaibang enerhiya sa paligid lalu na kung merong multo sa tabi nito.

Nagkakaroon din ng reaksiyon ang instrumentong ito sa init ng katawan at pagpapawis ng tao batay sa paggana ng sensor nito kung saan ang sinumang gagamit nito ay kailangan lamang itong diinan ng kanyang hinlalaki.

Ang ghost radar na ito na naibento ng mga eksperto ng Solid Alliance ay katamtaman lamang ang laki na madaling dalhin kahit saan basta merong computer.

Inihayag mismo ni Yuichiro Saito, bise presidente ng Solid Alliance Company, na ang ghost radar ay biglang tutunog at maaari itong marinig kada oras kapag ito ay inilagay sa isang lugar na merong gumagalang multo, gayunman, may mga pagkakataon na hindi naman ito tutunog sa ibang mga lugar na walang kakaibang enerhiya.

Ang instrumentong ito ay maaaring ikabit sa computer at meron itong usb memory storage device, kung saan maaaring mailagay ang mga mahahalagang dokumento, mga larawang digital at maging ng MP3 music files.

Ang memorya na taglay ng ghost radar ay naglalaro mula 128 hanggang 512 megabytes, gayunman ito ay hindi naman direktang nakakabit sa pangunahing trabaho nito bilang ghost detector.

Ang instrumentong ito ay inirerekumenda ng mga eksperto na maaaring paganahin sa dis-oras ng gabi kung saan karaniwan nang gumagala ang mga espiritu o mga kaluluwang ligaw habang ito ay nakakabit sa computer.

Maari din itong gamitin bilang panukat ng mga taong mahilig makaranas ng multo sa paligid na kilala sa tawag na “ghost hunting”. Karaniwang mahilig dito ang mga kabataan na nais maramdaman ang enerhiya ng mga multo sa mga kilalang lugar o bahay na minumulto. Ngunit, ang babala ko lamang, wag gagawing biro ang pakikipag-ugnayan sa mga kaluluwa o mga espiritu sa paligid.

Ipinaalala ni Saito na ang instrumentong ito ay hindi laruan dahil sa kapag ito ay pinagana, tiyak mong merong kakaibang enerhiya o espiritu sa tabi mo lalu na kapag naramdaman mong nangilabot na iyong buong katawan.

Ang kumpanyang Solid Alliance ay kilala rin sa Japan dahil sa mga pinasikat nitong iba pang instrumento tulad ng Sushi Disk kung saan meron itong replica ng mga kilalang pagkain sa Japan tulad ng tuna, at ang isa naman ay ang I-duck storage unit kung saan meron itong umiilaw na kasing-hugis ng maliit ng pato.

Interesado ba kayong bumili ng ghost radar, ewan ko lang kung meron na ito sa Pilipinas, ngunit sinimulan na itong ibenta sa Japan at maging sa mga bansa sa Europa maging sa Amerika.

Maaari kayong mag-log on sa kanilang website na www.solidalliance.com para alamin ang iba pang detalye tungkol dito, yun nga lang puro Japanese character ang makikita mo.

Sa aking personal na pananaw tungkol dito, malaking tulong din ang ghost radar sa mga taong nasa larangan ng pananaliksik ng paranormal at gustong imbestigahan ang manipestasyon ng mga espiritu o multo sa ating paligid lalu na sa mga taong iniistorbo palagi ng mga kaluluwang ligaw.

Para sa inyong mga katanungan at suhestyun, mag-text sa 0916-7931451 o mag-email sa psiphenomena@yahoo.com. #

Astral Projection, Pagsilip sa Kabilang Buhay

2003-10-22T20:40:00.000+08:00

Paano nga ba malalaman ang katotohanan tungkol sa kabilang buhay? Ang karaniwang sagot ditto ay: malalaman lamang ang katotohanan sa kabilang buhay kapag tayo ay namatay na sa daigdig na pisikal.

Ngunit ayon sa mga taong dumanas na ng near-death experience o muntik nang kamatayan ay nagsabing totoo ang kabilang buhay. Kailangan pa ba nating hintayin ang ating kamatayan para lamang mapaatunayan ang katotohanan tungkol sa kabilang buhay?

May mga taong hindi nakaranas ng near-death-experience ang nagsabing alam nila ang paraan para patunayan at silipin ang katotohanan sa kabilang buhay. Ito ay sa pamamagitan ng tinatawag na astral projection o ang kakayahang maihiwalay ang bahagi ng iyong kaluluwa mula sa katawang lupa. Marami ang takot sa ganitong pamamaraan dahil sa akalang baka mamatay ang taong gagawa nito, ngunit ang takot ay mamamayani lamang sa mga taong walang sapat na kaalaman tungkol dito.

Ayon kay Astral Traveller Jerry Gross, “ang unang-unang dapat na mawala sa isang tao para magtagumpay sa astral projection ay ang matinding takot nito lalu na sa pagharap sa kamatayan.”

Ngunit likas na sa tao ngayon ang takot mamatay, sanhi ng maraming kadahilanan. Kabilang na rito ang takot na mawala sa piling ng mga mahal sa buhay, ayaw mamatay dahil sa hindi pa tapos ang kanyang misyon sa mundong ibabaw, at ang iba naman ay takot mamatay dahil sa hindi alam kung totoo nga bang may kabilang buhay.

Subalit, palagi nating tandaan na ang kamatayan ay parang isang magnanakaw na biglang dumarating sa atin – nakahanda man tayo o hindi. Kung talagang oras mo na ay talagang mamamatay ka.

Ngunit paano mawawala ang ating takot na harapin ang kamatayan? Dapat nating tanggapin ang katotohanan na nang isilang tayo sa mundong ibabaw, meron tayong pisikal na katawan para magampanan ang ating tungkulin sa daigdig na pisikal, ngunit alam din nating meron tayong isa pang katawan na tinatawag na astral body o kilala sa tawag na kaluluwa.

Ang konsepto ng astral projection ay ang paglabas ng ating kaluluwa mula sa ating pisikal na katawan. Kung napanood ninyo ang pelikulang The Frighteners na kinatampukan ni Michael J. Fox bilang isang psychic investigator ay nagawa nitong makalabas ng kanyang katawan para lamang sagupain ang masamang espiritu.

Ayon pa kay Gross, kapag naging bihasa na ang sinuman sa astral projection, malalaman niya ang napakalaking kaibhan ng pisikal na katawan sa astral na katawan.

Kung ang pisikal nating katawan ay napakabigat at hinahatak ng gravity o magnet ng lupa, ang astral body ay hindi. May kakayahan itong lumipad, tumagos sa dingding, at magtungo sa kahit gaano kalayong lugar sa pamamagitan lamang ng isip. At ang isa pang napakagandang katangian nito ay hindi ito nasusugatan dahil ito ay immortal.

Kung alam lamang ninyo na ang mga panaginip tulad ng paglipad, pagtungo sa kakaibang mga lugar, pakikipag-usap sa mga namayapa ay bahagi ng astral projection, dahil sa pagtulog ang katawang lupa ay namamahinga rin ang kamalayang pisikal at ang gumagana lamang ay ang tinatawag na subconscious mind o kamalayang espiritwal.

Para sa inyong katanungan o suhestyun, mangyaring mag-text lamang sa 09167931451 o mag-e-mail sa psiphenomena@yahoo.com. Tignan din ang website: www.geocities.com/psiphenomena.

Aura ng Tao, Salamin ng Kalusugan at Pag-iisip

2003-10-07T23:40:00.000+08:00

Awra ng tao o sa katagang ingles ay human aura. Ano ba ang kahalagahan nito sa

ating buhay? Bagaman marami na ang nakaka-alam na tayo ay meron nito, iilan pa rin

ang pumapansin dito.

Ngunit, sa pag-usad ng panahon ay nagiging bukambibig na ng marami sa atin

ang tungkol sa ating awra. Hindi ba marami na ngayon ang nagsasabing “ang ganda ng

awra mo ngayon a” o kaya naman ay “nagniningning ka ngayon okay ang awra mo”.

Ito ay patunay lamang na ang ating aura ay nagsisilbing salamin ng ating

kalusugan at takbo ng ating pag-iisip.

Ang human aura ay ang animo’y hugis-itlog na enerhiya na bumabalot sa ating

katawan. Karaniwang ito ay hindi nakikita ng ating mga mata ngunit may mga taong may

angking abilidad na makita ito ng malinaw.

Marami nang pag-aaral ang ginawa dito ng mga dalubhasa, at napatunayan nilang

hindi lamang ang tao ang merong awra, maging ang mga hayop, mga insekto at mga

halaman ay merong awra.

Si Semyan Kirlian, isang imbentor ng Krasnodar, Rusya ang naka-imbento ng

kakaibang kamera na kayang kunan ng litrato ang liwanag na bumabalot sa katawan ng

tao.

Una nitong kinunan ng litrato ang kanyang mga kamay at nakita dito ang

kakaibang liwanag na bumabalot sa kanyang kamay lalu na sa mga dulo ng daliri nito.

Hanggang sa maging bantog ang Kirlian photography noong dekada 60 at 70 sa mga

kanluraning bansa lalu na sa Estados Unidos. Hanggang sa ngayon ay kinikilala na ito

bilang isa sa pinakamahusay na imbensiyon sa buong daigdig.

Sa mga eksperimentong ginawa ng mga dalubhasa, ang awra ng isang

ordinaryong tao ay nasa layong walo hanggang sampung talampakan mula sa katawan

nito.

Bagaman, marami na ang nagpatunay na ang mga taong sagrado tulad ng Santo

Papa at mga Guru ay umaabot ng ilang milya ang kanilang awra, na kayang maramdaman

ng sinuman sa paligid nito. Ito rin ang dahilan kung bakit maraming tao ang nais lumapit

sa mga ito at makinig sa anumang mensahe.

Tulad na lamang ni Panginoong HesuKristo at mga apostoles nito nang

nabubuhay pa sa lupa ay maraming tao ang kanilang naakay at nais na makita at

mapakinggan sila.

Gayundin ang iba pang mga taong mataas ang espiritwal na pananalig sa Diyos at

mga tinaguriang sugo ng langit tulad nina Buddha at Mohammad ay ganito rin kalakas

ang taglay na awra.

Maalala ko nang dumalaw si Santo Papa Juan Pablo II dito sa Pilipinas noong

taong 1995, malayo pa lang ako bagaman abot-tanaw ko na siya sa di-kalayuan ay

naramdaman ko ang lakas ng kilabot na dumampi sa aking katawan, at habang siya ay

papalapit ay mas lumakas pa ang mala-kuryenteng enerhiya na nagmumula sa kanya.

Bagaman hindi kayang makita ng ating mga mata ay nararamdaman natin ang

enerhiyang ito na bumabalot at lumalabas mula sa ating katawan.

Sa ngayon, ay nagiging kapaki-pakinabang na ang awra bilang batayan ng ating

kalusugan at kaisipan. Lalu na at napatunayan na ng mga eksperto na taong merong sakit

o may diperensiya sa katawan, pisikal man ito o emosyonal ay halatang manipis ang

awra.

Dito na lumabas ang mga alternatibong lunas sa ating mga karamdaman tulad ng

pranic o aura healing. Ito ay ang panggagamot na ginagawa ng mga eksperto sa awra ng

tao sa paniwalang kusa nang maghihilom ang anumang sakit sa katawan. Ito ay alinsunod

din sa prinsipyong ang anumang sakit na dumadapo sa katawan ng tao ay nagsisimula

muna sa awra nito bago ang manipestasyon nito sa pisikal na katawan.

May mga ehersisyo namang rekumendado ang mga eksperto para mapanatiling

malusog hindi lamang ang ating pisikal na katawan kundi lalu na ang ating awra. Ang

human aura ay maituturing na unang depensa ng katawan sa anumang karamdaman. #

‘Afterlife’ Marami Ang Gustong Magpatotoo

2003-09-23T23:19:00.000+08:00

Mula nang lumabas ang aking artikulo noong Setyembre 18 araw ng Huwebes tungkol sa gagawing pagsisiyasat ng mga siyentista tungkol sa ‘afterlife’ o kabilang buhay, marami sa ating mga kababayan ang gustong magpatotoo tungkol dito.

Isa na rito si Krishan na nagsabing hindi ganun kadaling patunayan sa ibang tao ang buhay pagkatapos mamatay sa mundong ibabaw ang isang tao.

Ipinagtapat ni Krishan na siya ay isa rin sa mga nakaranas ng paglalakbay sa kabilang buhay. Mula nang maranasan niya ito ay nagsagawa siya ng pananaliksik tungkol dito.

At ang resulta ng kanyang pananaliksik ay totoo ngang may kabilang buhay o afterlife at napatunayan niyang ang kaluluwa nga ng isang tao ay hindi maaaring mamatay.

Para sa kanya ito ang mensaheng nais na ipaabot ng Panginoong HesuKristo tungkol sa sinabi niyang ibibigay ko sa inyo ang walang hanggang buhay.

“Handa akong lumantad at ibahagi ang aking karanasan kung kinakailangan,” ani Krishan. “Alam mo may mga pagkakataon na nais ko ring magsulat tulad mo (Rey) hindi lamang tungkol sa buhay kundi pati na sa buong bansa, tungkol sa kung paano dapat na mabago ang sitwasyon sa Pilipinas.”

Sa paniniwala ni Krishan, kailangang mabago rin ang kaisipan ng tao habang patuloy namang umuusad at nagbabago ang ating panahon.

Nais ko lang ipaabot ang aking mensahe kay Krishan na mas mainam na isulat mo ang iyong karanasan nang makita mo ang kabilang buhay, lalu na nung unang pagkakataon na maranasan mo ang Near-Death-Experience (NDE). At kung may panahon kay ay ipadala mo sa akin.

Afterlife o kabilang buhay, gustong patunayan ng siyensya

2003-09-14T23:13:00.000+08:00

Mahirap paniwalaan ngunit desidido ang mga duktor at siyentista sa Britanya na imbestigahan kung totoong may buhay pagkatapos mamatay ang tao sa mundong ibabaw.

Seryoso na ngayon ang mga eksperto sa larangan ng siyensya na pag-ugnayin ang daigdig ng mga buhay sa daigdig ng mga patay. Pag nagkataon ito na ang simula nang unti-unting pagbubukas ng kaisipan ng lahat ng tao sa mundong ito na totoong merong kabilang buhay.

Bahagi ng gagawing pagsisiyasat at masusing pag-aaral ng mga duktor at mga siyentista ay ang pakikipag-ugnayan sa mga taong nakaranas ng muntikan ng kamatayan o tinatawag na Near-Death Experience (NDE).

“Isang taon ang itinakdang panahon ng pag-aaral dahil gusto naming patunayan ang testimonya ng mga pasyenteng dumanas ng atake sa puso at nabingit sa kamatayan na marami silang nakikita habang nasa labas sila ng kanilang katawan o tinatawag na out-of-body-experience,” ayon kay neuropsychiatrist Dr. Peter Fenwick sa kanyang pagsasalita sa pulong ng British Association sa University of Salford.

Ang pinaka-interesadong bahagi ng ganitong pananaliksik at imbestigasyon ng mga eksperto sa larangan ng siyensiya at medisina ay patunayan ang mga naunang teorya na humihiwalay ang isipan ng tao sa utak nito lalu na kapag ito ay nasa bingit ng kamatayan o clinically dead.

“May mga teorya na ang muntikan nang kamatayan o near-death-experience (NDE) ay nangyayari kapag tumigil ang tibok ng puso nang mas mahigit sa 11 segundo at ang utak ay hindi na gumagana.” Sabi pa ni Dr. Fenwick.

Dalawamput-limang ospital at mga pasyente na dumanas ng atake sa puso sa Britanya ang inaasahang kalahok sa ganitong pag-aaral. At sa mga pagamutan ay maglalagay ang mga siyentista ng mga espesyal na mga bagay at mga larawan sa mga silid o cardiac units kung saan karaniwang dito pilit isinasalba ang buhay ng mga taong
inaatake sa puso.

“Kung makikita ng mga pasyenteng nasa bingit ng kamatayan ang mga espesyal na bagay na ito at mga larawan sa mga tagong lugar sa loob ng cardiac units habang pinipilit silang buhayin ng mga duktor, ito na ang patunay na humihiwalay nga ang isip at kaluluwa ng tao sa utak at katawan nito.” ani Dr. Fenwick.

Interesado ang mga siyentista na patunayan ang katotohanan tungkol sa kabilang buhay. Ito ay batay sa mga naunang testimonya ng mga taong dumanas ng muntikan ng kamatayan at sinabing ang kanilang isip at kaluluwa ay naglakbay habang sinisikap silang buhayin ng mga duktor.

May mga kakilala akong dumanas ng NDE o muntikan ng kamatayan ang nagsabing naglakbay nga ang kanilang isipan at kaluluwa habang alam niyang naghihingalo na ang kanyang katawang lupa.

Ito ang dahilan kung bakit gustong patunayan ng mga siyentipiko sa mas lohikong pamamaraan ang katotohanan sa NDE o tinatawag ding Out-Of-Body-Experience.

“May mga ebidensiya na kaming nakalap at magpapatunay na hindi lamang limitado sa mga pisikal na pandama ng tao tulad ng mga mata, tenga at bibig ang nagagamit bilang komunikasyon sa kapwa.” Paliwanag ni Robert Morris, Koestler Professor ng Parapsychology sa University of Edinburgh.

Ito ay dahil sa marami nang eksperimento ang magpapatunay na ang mga sensitibong tao ay kayang makipag-usap sa sinuman o magtungo sa isang lugar kahit gaano ito kalayo.

May mga teorya ang mga eksperto na mas malayang nakapaglalakbay ang kaluluwa at nagagawa nitong tignang mabuti ang kanyang kapaligiran, kung kaya’t malaki ang posibilidad na makita nila ang mga espesyal na gamit na ipapakalat sa mga ospital na kalahok sa ganitong pagsisiyasat.

Para sa inyong mga suhestyun, katanungan at mga kakaibang karanasan, mangyaring magpadala ng inyong liham sa aking e-mail address: psiphenomena@yahoo.com o kaya mag-text sa 09167931451.

Bakit ang Nakikita sa Panaginip, Nagkakatotoo?

2003-08-21T23:41:00.000+08:00

Bakit may mga pagkakataong ang nakikita natin at nararanasan sa panaginip ay

nagkakatotoo?

Ito ang tanong sa akin ng isa nating kababayan na palaging binabagabag ng

kanyang panaginip.

Isa si Ressie Hilaga, 25 anios, may-asawa, ang tumugon sa aking panawagan na

idulog sa akin ang mga nararanasang kababalaghan na hindi basta-basta maipaliwanag ng

lohikong kaisipan.

Ipinagtapat sa akin ni Ginang Hilaga ang mga pagkakataong nagkakatotoo ang

kanyang mga panaginip. Hindi lang aniya ito minsan kundi maraming beses na may mga

panaginip siyang sa bandang huli ay nagkakatotoo.

Tulad na lamang ngayon na nagpapagawa siya ng bahay, bagupaman ito nangyari

sa totoong buhay ay malinaw na niya itong nakita sa kanyang panaginip ilang linggo na

ang lumipas.

Ang akala ni Ginang Hilaga ay nagkataon lamang ang nangyari ngunit sa kanyang

pagtataka ay bakit hindi lang minsan kundi maraming beses na niya itong naranasan.

Sa aking pananaliksik sa misteryo ng kaisipan ng tao at kababalaghan sa ating

buhay, ang ganitong uri ng panaginip ay kilala sa terminong precognitive dream o ang

panaginip na nagbibigay ng mensahe sa mangyayari pa lamang sa buhay ng tao.

Marami na sa atin ang nakaranas ng ganitong uri ng panaginip, ngunit karamihan

sa atin ay binabalewala ang mga detalye nito kahit na malinaw na ito ay nakita, bagaman

ang iba naman ay nakakalimutan na pagkagising.

Sa aking pananaliksik at mga naging karanasan, ang panaginip ay nagiging

instrumento na ng ating mga kapanalig sa kabilang buhay na makapaghayag ng kanilang

mensahe. Habang tayo ay tulog at namamahinga ang buo nating katawan, siya namang

nagiging mas aktibo ang ating diwa o kamalayan.

Dapat nating tandaan na ang ating kaisipan ay nahahati sa tatlong antas. Ang mga

ito ay tinatawag na conscious mind o ang kamalayan habang gising; subconscious mind o

ang kamalayan habang tayo ay tulog; at ang superconscious mind o ang antas ng

kamalayan na merong kakayahang makita o malaman ang anumang mangyayari o

nangyari sa buhay, gising man o tulog ang isang tao.

Ang panaginip ay karaniwang nagiging pintuan ng mga espiritu o nilikhang hindi

pisikal para makipag-ugnayan sa atin at ihayag ang kanilang nais na mensahe.

Hindi po ba may mga pagkakataon na napanaginipan natin ang mga yumao nating

mahal sa buhay at sa panaginip na yun ay malinaw ang anumang kaganapan at

natatandaan hanggang pagkagising sa umaga.

Ngunit hindi ganun kadali na mabigyan agad ng tumpak na kahulugan ang ating

mga nakikita sa panaginip, dahil ang panaginip ay nahahati naman sa dalawang uri.

Ang mga ito ay ang literal at symbolic o simboliko. Ang literal na panaginip ay ang

sitwasyon sa panaginip na madali nating maintindihan dahil sa kung ano ang nakita natin

ay yun na ang ibig sabihin. Ang simboliko namang panaginip ay may kahirapan malaman

ang kahulugan dahil sa ang mensahe dito ay ginagamitan ng mga simbolo. Dito

karaniwang ginagamitan ng marami sa ating mga kababayan ng mga aklat tungkol sa

diksyunaryo ng mga panaginip.

Ngunit para sa akin, hindi isandaang porsiyentong tumpak ang mga simbolong

nakasaad sa mga aklat tungkol sa panaginip. Maraming mga eksperto ang nagsabi na mas

mainam na isalin ang bawat detalye ng panaginip sa pamamagitan ng pagtanong sa

naramdaman, at nakita ng mismong nanaginip.

Para sa inyong mga katanungan, suhestyun at karanasan ng kababalaghan,

mangyaring mag-text sa 09167931451 at mag-e-mail din sa psiphenomena@yahoo.com.

Aura ng Tao, Salamin ng Kalusugan at Pag-iisip

2003-07-31T00:44:00.000+08:00

Awra ng tao o sa katagang ingles ay human aura. Ano ba ang kahalagahan nito sa ating buhay? Bagaman marami na ang nakaka-alam na tayo ay meron nito, iilan pa rin ang pumapansin dito.

Ngunit, sa pag-usad ng panahon ay nagiging bukambibig na ng marami sa atin ang tungkol sa ating awra. Hindi ba marami na ngayon ang nagsasabing “ang ganda ng awra mo ngayon a” o kaya naman ay “nagniningning ka ngayon okay ang awra mo”.

Ito ay patunay lamang na ang ating aura ay nagsisilbing salamin ng ating kalusugan at takbo ng ating pag-iisip.

Ang human aura ay ang animo’y hugis-itlog na enerhiya na bumabalot sa ating katawan. Karaniwang ito ay hindi nakikita ng ating mga mata ngunit may mga taong may angking abilidad na makita ito ng malinaw.

Marami nang pag-aaral ang ginawa dito ng mga dalubhasa, at napatunayan nilang hindi lamang ang tao ang merong awra, maging ang mga hayop, mga insekto at mga halaman ay merong awra.

Si Semyan Kirlian, isang imbentor ng Krasnodar, Rusya ang naka-imbento ng kakaibang kamera na kayang kunan ng litrato ang liwanag na bumabalot sa katawan ng tao.

Una nitong kinunan ng litrato ang kanyang mga kamay at nakita dito ang kakaibang liwanag na bumabalot sa kanyang kamay lalu na sa mga dulo ng daliri nito.

Hanggang sa maging bantog ang Kirlian photography noong dekada 60 at 70 sa mga kanluraning bansa lalu na sa Estados Unidos. Hanggang sa ngayon ay kinikilala na ito bilang isa sa pinakamahusay na imbensiyon sa buong daigdig.

Sa mga eksperimentong ginawa ng mga dalubhasa, ang awra ng isang ordinaryong tao ay nasa layong walo hanggang sampung talampakan mula sa katawan nito.

Bagaman, marami na ang nagpatunay na ang mga taong sagrado tulad ng Santo Papa at mga Guru ay umaabot ng ilang milya ang kanilang awra, na kayang maramdaman ng sinuman sa paligid nito. Ito rin ang dahilan kung bakit maraming tao ang nais lumapit sa mga ito at makinig sa anumang mensahe.

Tulad na lamang ni Panginoong HesuKristo at mga apostoles nito nang nabubuhay pa sa lupa ay maraming tao ang kanilang naakay at nais na makita at mapakinggan sila.

Gayundin ang iba pang mga taong mataas ang espiritwal na pananalig sa Diyos at mga tinaguriang sugo ng langit tulad nina Buddha at Mohammad ay ganito rin kalakas ang taglay na awra.

Maalala ko nang dumalaw si Santo Papa Juan Pablo II dito sa Pilipinas noong taong 1995, malayo pa lang ako bagaman abot-tanaw ko na siya sa di-kalayuan ay naramdaman ko ang lakas ng kilabot na dumampi sa aking katawan, at habang siya ay papalapit ay mas lumakas pa ang mala-kuryenteng enerhiya na nagmumula sa kanya.

Bagaman hindi kayang makita ng ating mga mata ay nararamdaman natin ang enerhiyang ito na bumabalot at lumalabas mula sa ating katawan.

Sa ngayon, ay nagiging kapaki-pakinabang na ang awra bilang batayan ng ating kalusugan at kaisipan. Lalu na at napatunayan na ng mga eksperto na taong merong sakit o may diperensiya sa katawan, pisikal man ito o emosyonal ay halatang manipis ang awra.

Dito na lumabas ang mga alternatibong lunas sa ating mga karamdaman tulad ng pranic o aura healing. Ito ay ang panggagamot na ginagawa ng mga eksperto sa awra ng tao sa paniwalang kusa nang maghihilom ang anumang sakit sa katawan. Ito ay alinsunod din sa prinsipyong ang anumang sakit na dumadapo sa katawan ng tao ay nagsisimula muna sa awra nito bago ang manipestasyon nito sa pisikal na katawan.

May mga ehersisyo namang rekumendado ang mga eksperto para mapanatiling malusog hindi lamang ang ating pisikal na katawan kundi lalu na ang ating awra. Ang human aura ay maituturing na unang depensa ng katawan sa anumang karamdaman.